Kuvayo 29

Ivyagezwe vyo kurobanura abaherezi

1Uku abe ari k’uzobagenza mu kubarobanura, ngo bankorere igikorwa c’ubuherezi. Wābīre imasa y’umukangara n’impfizi z’intama zibiri zitagira agasembga, 2#Lew 2:4.n’imitsima itambiwe, n’udutsima tutambiwe twacumbanywe n’amavuta ya elayo, n’utundi dutsima tutambiwe nyene tubēhūye, dusutswekw amavuta ya elayo, uyicumvye mw ifu y’ingano igogōretse. 3Uyishire mu ndumane imwe, uyizanane na ya masa na za mpfizi z’intama zompi.

4Kandi Aroni n’abana biwe uz’ ubazane ku muryango w’ihema ry’ibonaniro, ubūhagirireho. 5#Kuv 28:2-4, 8.Wābīre ya myambaro, uheze wambike Aroni ya kanzo, na wa mwinjiro wo kwambarirwako efodi, umwambike na efodi nyene, na wa mupfuko wo kwambarwa mu gikiriza, umukenyeze na wa musipi wa efodi ujishwe n’abahinga; 6#Kuv 28:36, 37.umwambike na ca gitambara mu mutwe, ugishireko na ca gitsibo cera.#29:6 Igitsibo cera ni ko ka kabāte, rāba Lew 8:9. 7#Kuv 30:25.Maze wābīre amavuta yo kurobanuza abahabga ibango, uyamusuke mu mutwe, uyamurobanuze. 8Uheze uzane n’abana biwe, ubambike ya makanzo. 9#Kuv 27:21; 28:39, 40.Aroni n’abana biwe ubakenyeze imikanda, ubambike na twa dukofero: maze bazoba begukiye ubuherezi, kibe icagezwe c’intahava: ushikirize Aroni n’abana biwe iryo bango.

10 # Lew 1:4. Uz’ uzane ya masa imbere y’ ihema ry’ibonaniro: Aroni n’abana biwe bayirambike ibiganza mu ruhanga. 11Uyikererere imbere yanje, jewe Uhoraho, ku muryango w’ihema ry’ibonaniro. 12#Kuv 27:2.Wābīre ku maraso y’iyo masa, uyasīgīshe urutoke ku mahembe y’igicaniro, amaraso yose uheze uyavyagize ahahera hasi ku gicaniro. 13#Lew 3:3, 4.Maze wābīre urubambanda rwose rwōrōshe amara, n’agashami gatoya k’igitigu, n’amafyigo yompi, n’ ibinure bifashe kuri yo, uvyosereze ku gicaniro. 14#Lew 4:11, 12; Heb 13:11.Arikw inyama z’iyo masa, n’urusato rwayo, n’amayezi yayo, ubituririre inyuma y’insago: kizoba ar’ ikimazi gitangiwe ivyaha.

15Uteko wābīre impfizi y’ intama imwe muri za zindi; Aroni n’abana biwe bayirambike ibiganza mu ruhanga. 16Uyikerere, wābīre amaraso yayo uyamijagire ku gicaniro impande zose. 17Uyijanjagure, uyishire mu bikenye vyayo, uronge amara yayo bo n’ ibikenye vyayo vy’amaguru, ubirunde hamwe n’ibindi bikenye vyayo n’umutwe wayo. 18Uheze wosereze ivy’ iyo ntama vyose ku gicaniro: kizoba ar’ ikimazi noserejwe, jewe Uhoraho, n’umubabge umota neza, ikimazi nshikaniwe, gitōngōwe n’umuriro.

19Maz’ uze wābīre iyo mpfizi y’intama ya kabiri, Aroni n’abana biwe na yo bayirambike ibiganza mu ruhanga. 20Uheze uyikerere, wābīre ku maraso yayo, uyakoze ku gutwi kw’i buryo kwa Aroni ahahera hejuru, no ku matwi y’i buryo y’abana biwe ahahera hejuru nyene, no ku bikumu vyabo vy’i buryo, no ku mano yabo manini y’i buryo, ayandi uyamijagire ku gicaniro impande zose. 21Wābīre ku maraso yo ku gicaniro, no kuri ya mavuta yo kurobanuza abahabga ibango, ubicucagire Aroni n’imyambaro yiwe, n’abana biwe n’imyambaro yabo; nukw azoba yejejwe, bo n’imyambaro yiwe, n’abana biwe n’ imyambaro yabo.

22Uheze wābīre ibinure vy’iyo mpfizi y’intama, n’umurizo wayo uko wagahometsekw ibinure, n’ urubambanda rwōrōshe amara, n’agashami gatoya k’igitigu, n’ amafyigo yompi, n’ibinure bihometse kuri yo, n’igikenye c’ukuguru kwayo kw’i buryo, kukw ar’ impfizi y’intama yo kubinjiza mur’ iryo bango; 23wābīre n’umutsima umwe muri ya yindi, n’ agatsima kamwe kācumbanywe n’amavuta ya elayo, n’akandi kamwe kabēhūye, uyikūye muri ya ndumane y’imitsima itambiwe izoba iteretse imbere yanje; 24ivyo vyose ubishire ku mashi ya Aroni no ku y’abana biwe, ubizunguze, bibe ishikanwa rizungurijwe imbere yanje. 25#Lew 6:22.Uheze ubikūre ku mashi yabo, uvyosereze ku gicaniro, ubigeretse kuri ca kimazi coshejwe, bibe umubabge umota neza imbere yanje, jewe Uhoraho: ico kizoba ar’ ikimazi nshikaniwe gitōngōwe n’umuriro. 26#Lew 7:31.Kandi wābīre inkoro y’iyo mpfizi y’ intama yo kwinjiza Aroni mur’ iryo bango, uyizunguze, ibe ishikanwa rizungurijwe imbere yanje; iyo izoba umwanya wawe. 27#Lew 7:32.Kand’ uz’ urobanure ya nkoro ishikanishwa kuzunguzwa, na ca gikenye c’ukuguru kigerewe abaherezi, co kuzunguzwa nyene, gishinguwe kuri ya mpfizi y’intama yo kubinjiza mw ibango, ari vyo bigerewe Aroni n’abana biwe. 28#Lew 7:34.Ivyo bizoba umuturi Aroni n’abana biwe bazohora bashingura mu Bisirayeli ibihe vyose, kukw ar’ umwanya w’abaherezi mu mashikanwa y’ishimwe Abisirayeli bazohora bashikana; rizoba ishikanwa bangereye, jewe Uhoraho.

29 # Guh 20:26, 28. Kand’ imyambaro yejejwe ya Aroni izoba n’iy’ abana biwe bazomusubirira mu gishingo: baze bayambare mu gihe basukwakw amavuta yo kubarobanura mu gushikirizwa iryo bango. 30Umwana wiwe amusubiriye mu gishingo c’ubuherezi az’ ayambare imisi ndwi, ukw agiye kwinjira mw ihema ry’ibonaniro guhērereza Ahēra.

31Kandi wābīre ivya ya mpfizi y’intama yo kubinjiza mur’ iryo bango, uteke inyama zayo ahantu hejejwe. 32Aroni n’abana biwe bazirishe ya mitsima yo mu ndumane, babirīre ku muryango w’ ihema ry’ibonaniro. 33#Lew 22:10.Babirye, ar’ ivyatanzwe kubabera impongano, ngo binjizwe mur’ iryo bango, bezwe; arik’ ūtar’ umuherezi ntaz’ abiryeko, kukw ar’ ivyera. 34Izo nyama z’ico kimazi cabinjije mw ibango, cank’ imitsima, ni haramuka hagize igisigara, kikarāra, uz’ ugiturire: ntikize kiribge, kukw ar’ icera.

35Ivyo abe ari vyo uzogirira Aroni n’abana biwe, nk’uko ndabikugeze vyose: uz’ umare imisi ndwi ukora ivyo kubinjiza mw ibango. 36Uko bukeye uz’ ukerere ben’ iyo masa y’ikimazi gitangirwa ivyaha, ibe impongano; kand’ igicaniro uz’ ugitangire impongano yo kugitunganya, uz’ ugisukekw amavuta, uceze. 37#Mat 23:19.Uz’ umare imisi ndwi utangira impongano ico gicaniro, uceze; maze kizoba icera cane; ikizogikorako cose kizoba kibaye icera, kibe inyegu yaco.

Ivy’ ibimazi vy’intasība

38 # Guh 28:3; 1 Ngo 16:40; 2 Ngo 2:4; Ezr 3:3; Heb 10:11. Ibi abe ari vyo uzohora utangira kur’ ico gicaniro: uko bukeye, uz’ utange abagazi b’ intama babiri batarengeje umwaka, ubudasība. 39#Zab 141:2; Ezk 46:13.Umwagazi umwe uz’ uwutange mu gitondo, uwundi ku mugoroba. 40Umwagazi wa mbere uz’ uwutangane n’ifu igogōretse y’ikigiracumi c’ingero yitwa efa, ivanzwe n’amavuta avuye muri elayo zisekuwe y’ikigira kane c’ ingero yitwa hini, utange n’ikigira kane ca hini nyene ya vino, ribe ishikanwa ry’ibiturire. 41#1 Abam 18:29; Ezr 9:4, 5.Uwundi mwagazi uz’ uwutange ku mugoroba, uwutangane n’ishikanwa ry’ifu n’iry’ ibiturire, nk’ ivyo mu gitondo, bibe umubabge umota neza, ikimazi nshikaniwe jewe Uhoraho, gitōngōrwa n’ umuriro. 42#Kuv 25:22; Guh 28:6.Bizoba ibimazi vyo kwoswa vy’intasība ukw ibihe vy’ urunganwe rwanyu bizogenda bikurikirana, bitangirwa ku muryango w’ihema ry’ibonaniro imbere yanje: aho ni ho nzohora mbonanira namwe, ni ho nzoyāgira nawe. 43#Kuv 40:34; Lew 9:23; Guh 14:10; 16:19, 42; 20:6; 1 Abam 8:11; 2 Ngo 5:14; 7:1-3; Ezk 43:5; Hag 2:7, 9.Aho ni ho nzobonanira n’Abisirayeli; kand’ iryo hema rizokwezwa n’ubgiza bganje. 44#Lew 21:15; 22:9, 16.Nzokweza iryo hema ry’ibonaniro bo n’igicaniro; na Aroni n’abana biwe nzobeza, kugira ngo bankorere igikorwa c’ubuherezi. 45#Kuv 25:8.Kandi nzoba hagati mu Bisirayeli, mbe Imana yabo. 46Na bo bazomenya yuko nd’Uhoraho Imana yabo, yabakūye mu gihugu ca Egiputa, kugira ngo nze mbe hagati muri bo: ni jewe Uhoraho Imana yabo.

Currently Selected:

Kuvayo 29: RUN1967

Highlight

Copy

Compare