Kuvayo 17

Igitandara c’i Horebu kivamw’ amazi

1 # Guh 33:12, 14. Ishengero ryose ry’ Abisirayeli riva mu bugaragwa bg’i Sini, bagenda baratāhīra, nk’ uk’ Uhoraho yabageze, barinda bashika i Refidimu, basagazayo. Abantu basanga nta mazi ariho yo kunywa. 2#Guh 20:3; Gus 6:16; Zab 78:41; 95:8, 9; Yes 7:12; Mat 4:7; 1 Kor 10:9.Maz’ abantu batonganya Mose, bati Duhe amazi, tunywe. Mose arababaza, ati Muntonganiriza iki? N’iki kibateye kugerageza Uhoraho? 3#Kuv 16:2.Abantu bahicirwa n’inyota, bidodombera Mose, bati Wadukūriye iki muri Egiputa kutwicisha inyota, twe n’abana bacu n’ibitungwa vyacu? 4#Guh 14:10; 1 Sam 30:6.Maze Mose atakambira Uhoraho, ati Mbeg’ aba bantu ndabagire nte? ko bashigaje gatoya bakantera amabuye. 5#Kuv 7:19, 20.Uhoraho abarira Mose, ati Ca imbere y’abantu, ujane bamwe mu bakuru b’Abisirayeli; witwaze na ya nkoni wakubitishije rwa ruzi, ugende. 6#Zab 105:41; 114:8; 1 Kor 10:4.Ehe rāba nanje ndahagarara imbere yawe hariya ku gitandara c’i Horebu; nawe uheze uje gukubita ico gitandara, amazi aca yisuka avuye muri co, abantu banywe. Nuko Mose abikora artyo imbere y’abakuru b’Abisirayeli. 7#Guh 20:13; Zab 95:8.Yita aho hantu Masa#17:7 Masa risobanurwa ngo Kugerageza. na Meriba#17:7 Meriba risobanurwa ngw Imitongano. kukw Abisirayeli bamutonganije, kandi kuko bagerageje Uhoraho, bakabaza ngo Mbeg’ Uhoraho ari muri twebge, canke ntari muri twebge?

Abamaleki batera Abisirayeli

8 # Gus 25:17, 18; 1 Sam 15:2. Maze haza Abamaleki, baterera Abisirayeli i Refidimu. 9#Kuv 4:17.Mose abarira Yosuwa, ati Dusobanurire abantu, ubajane murwanye Abamaleki; nanje ejo nzohagarara ku mpinga y’umusozi, nitwaje ya nkoni y’Imana. 10#Kuv 24:14.Yosuwa agira nk’uko Mose yamubariye nyene, aja kurwanya Abamaleki: Mose na Aroni na Huri baradūga, baja ku mpinga y’uwo musozi. 11Maze Mose iy’ amanitse amaboko Abisirayeli baranesha: ngw ayamanure, Abamaleki bakanesha. 12Maz’ amaboko ya Mose araruha; bābīra ibuye, bararimutega, aryicarako; Aroni na Huri bagumya amaboko yiwe, umwe ku ruhande rumwe, uwundi ku rundi: amaboko yiwe araguma gushitsa izuba rirenze. 13Yosuwa aririkisha inkota abantu bose b’Abamaleki.

14 # Gus 25:19; 1 Sam 15:3; 30:1; 2 Sam 8:12. Uhoraho abarira Mose, ati Ni wandike ivyo mu gitabo, bibe icibutso; ubibarire Yosuwa, ubimwumvishe, yuko nzozimanganya ukumenyekana kw’Abamaleki, bībagirane mu bo musi y’ijuru bose. 15#Abac 6:24.Maze Mose yubaka igicaniro, acita Yehovanisi:#17:15 Yehovanisi risobanurwa ng’ Uhoraho ni we bendera yanje. 16aravuga, at’ Uhoraho yamanitse ukuboko arahira kw azorwanya Abamaleki, kuva ku runganwe rumwe gushitsa ku rundi, birtyo birtyo.

Currently Selected:

Kuvayo 17: RUN1967

Highlight

Copy

Compare