Kuvayo 15

Indirimbo ya Mose, bakize abansi

1 # Zab 106:12. Maze Mose n’Abisirayeli baririmbira Uhoraho iyi ndirimbo,

bati Ndaririmbira Uhoraho, kukw ari n’intsinzi y’agahebūza.

Ifarasi n’ūyigenderako yabinuze mu kiyaga.

2 # Kuv 3:6; 2 Sam 22:47; Zab 99:5; 118:14; Yes 12:2. Uhoraho n’inkomezi zanje n’indirimbo yanje,

Ampindukiye agakiza.

Uwo ni we Mana yanje, nanje ndamuhimbaza;

Ni yo Mana ya data, nanje ndayishira hejuru.

3 # Kuv 3:15; Zab 83:18; Ivyah 19:11. Uhoraho n’intōre mu ntambara,

Uhoraho ni ryo zina ryiwe.

4Imikogote ya Farawo n’ingabo ziwe yabinuze mu kiyaga,

Abagabisha biwe b’intorwa badobeye mu Kiyaga Gitukura.

5Amazi yo mw idamba arabarengeye,

Barokeye i bgina nk’ibuye.

6 # Zab 2:9; 118:15, 16. Ukuboko kwawe kw’i buryo, ewe Uhoraho w’icubahiro kivuye mu bubasha, m

Ukuboko kwawe kw’i buryo, ewe Uhoraho, kujanjaguye abamenja.

7 # Gus 33:26; Zab 59:13; Mal 4:1. Ubugabe bgawe buhambaye bgatumye utūra hasi abakwināntājeko.

Warekuye uburake bgawe, bubatōngōra nk’ibishingwe.

8 # Zab 18:15; 78:13. Gufuha kwo mu mazuru yawe kwarundanije amazi,

Imipfunda yema nk’ikirundo;

I bgina muri nyina w’ikiyaga haravura.

9Umubisha yaravuze,

Ati Ndabakurikira, ndabashikīre, ngabanganye iminyago,

Ndabīmarekw ishavu;

Nsokōre inkota, mbaranduze ukuboko kwanje!

10Wahuhutishije umuyaga wawe, ikiyaga kirabarengera:

Badobera nk’icuma c’isāsu mu mazi ahambaye.

11 # 2 Sam 7:22; 1 Abam 8:23; Zab 77:14; 86:8; Yer 10:6. Uhoraho, mu vyitwa imana n’iyihe ihwanye nawe?

N’iyihe ihwanye nawe, wewe w’icubahiro kivuye mu kwera,

Wewe uteye ubgoba kubg’ ibihambaye ukora, wewe ukora ibitangaza?

12Waramvuye ukuboko kw’i buryo,

Isi irabamira.

13 # Zab 77:15; 78:54. Kubg’ imbabazi zawe warōngōye abantu wacunguye:

Wabarōngōje inkomezi zawe mu nzira ija ahantu hēra, ah’ uba.

14 # Gus 2:25; Zab 48:6. Amahanga yaravyumvise, ahinda agashitsi;

Ab’i Bufilisitiya, ubgoba bubafata nk’ibise.

15 # Guh 22:3; Yos 2:9. Ico gihe abakuru b’imiryango yo muri Edomu barumirwa;

Intōre z’i Mowabu zija mu gatengo;

Ab’i Kanani bose bagwa igihumura.

16 # Gus 11:25; 1 Sam 25:37; Zab 74:2. Ubgoba no gutinya bizobafata,

Ububasha bg’ukuboko kwawe butumye bazojunja nk’ibuye,

Gushitsa ah’abantu bawe bazorenganira, ewe Uhoraho,

Gushitsa ah’abantu wiguriye bazorenganira.

17 # Zab 44:2; 80:8. Uzobashikanayo, ubashimangire ku musozi w’ishamvu yawe,

Ahantu witunganirije ngo habe i wawe, ewe Uhoraho,

Ahēra hāshizweho n’amaboko yawe, Mwami.

18 # Zab 146:10. Uhoraho azokwama ahangamye ibihe bitazoshira.

19Kuko hamwe amafarasi ya Farawo, n’imikogote yiwe, n’ abagendera ku mafarasi, vyari bimanutse mu kiyaga, Uhoraho abiteranirizakw amazi y’ikiyaga; arikw Abisirayeli bo bāciye hagati mu kiyaga nk’ abaca ku musozi.

20 # Guh 26:59; Abac 11:34; 1 Sam 18:6; Zab 68:25. Kandi Miriyamu yavugishwa n’Imana, mushiki wa Aroni, ahitana agashāko k’ingoma; abagore bose barasohoka, baramukurikira bari n’udushāko tw’ingoma, bagenda baravyina; 21#1 Sam 18:7.Miriyamu akabaterera,

ati Ni muririmbire Uhoraho, kukw ari n’intsinzi y’agahebūza:

Ifarasi n’ūyigenderako yabinuze mu kiyaga.

Amazi y’i Mara

22Mose ajana Abisirayeli, bararamvura, bava ku Kiyaga Gitukura, bataha mu bugaragwa bg’i Shura, bagenda imisi itatu mur’ ubgo bugaragwa, babura amazi. 23#Guh 33:8; Rus 1:20.Bashitse i Mara, ntibāshobora kunywa amazi yaho, kuko yar’ umururazi; ni co catumye hitwa Mara.#15:23 Mara risobanurwa ng’ Umururazi. 24Maz’ abantu bidodombera Mose, bati Turanywa iki? 25#Kuv 16:4; 20:20; Gus 8:2, 16; Abac 2:22; 3:1, 4; 2 Abam 2:21; 4:41; Zab 66:10; 81:7.Na we atakambira Uhoraho: Uhoraho amwereka igiti, agiterera mur’ ayo mazi, aca ahinduka meza. Aho ni ho Uhoraho yabashingiye icagezwe n’ibgirizwa, kand’ aho ni ho yabageragereje. 26#Kuv 23:25; Gus 7:15; 28:27; Zab 103:3.Arababarira, ati Ni mwagira umwete wo kwumvira Uhoraho Imana yanyu, mugakora ibitunganye mu nyonga ziwe mukumvira ivyagezwe vyiwe, mukitondera ivyo yihanikirije vyose, ngo Nta ndwara azobateza nk’ izo yateje Abanyegiputa; ngo Kukw ari we Uhoraho, abakiza indwara.

27 # Guh 33:9. Bashika i Elimu, hār’ amariba cumi n’abiri, n’ibigazi mirongwirindwi: basagaza aho nyene kur’ ayo mazi.

Currently Selected:

Kuvayo 15: RUN1967

Highlight

Copy

Compare