Popular Bible Verses from Kuvayo 15

Share

Arababarira, ati Ni mwagira umwete wo kwumvira Uhoraho Imana yanyu, mugakora ibitunganye mu nyonga ziwe mukumvira ivyagezwe vyiwe, mukitondera ivyo yihanikirije vyose, ngo Nta ndwara azobateza nk’ izo yateje Abanyegiputa; ngo Kukw ari we Uhoraho, abakiza indwara.

Uhoraho n’inkomezi zanje n’indirimbo yanje, Ampindukiye agakiza. Uwo ni we Mana yanje, nanje ndamuhimbaza; Ni yo Mana ya data, nanje ndayishira hejuru.

Uhoraho, mu vyitwa imana n’iyihe ihwanye nawe? N’iyihe ihwanye nawe, wewe w’icubahiro kivuye mu kwera, Wewe uteye ubgoba kubg’ ibihambaye ukora, wewe ukora ibitangaza?

Kubg’ imbabazi zawe warōngōye abantu wacunguye: Wabarōngōje inkomezi zawe mu nzira ija ahantu hēra, ah’ uba.

Bashitse i Mara, ntibāshobora kunywa amazi yaho, kuko yar’ umururazi; ni co catumye hitwa Mara. Maz’ abantu bidodombera Mose, bati Turanywa iki? Na we atakambira Uhoraho: Uhoraho amwereka igiti, agiterera mur’ ayo mazi, aca ahinduka meza. Aho ni ho Uhoraho yabashingiye icagezwe n’ibgirizwa, kand’ aho ni ho yabageragereje.