VAFILIPI KUKHURAANJILILA
KUKHURAANJILILA
Ibarwa ya Paulu Yahandichila Vafilipi, yahandika khu likanisa liu khuraanga lia yali niyaraanjitsa mu shivala shia Vasuungu, shili mu lusomo lwa Varoma lwa Mekadonia. Ibarwa iyi, yahandikwa lwa murumwa yali niyavohwa mucheela, khandi mumatukhu ka yanyashitswa, shichila mahingani karulanga khu Vakristayo valala va vakholanga muhinzilu navo. Yali nu vuveleli mu mwoyo kwekwe, shichila mechitso ku vuvehi kali mu likanisa lia Filipi. Nikhali, ibarwa iyi, ileranga likhoya nende lisuuvila linyala khwivaalwa vutswa khuvirila mu lisuuvila li tsingulu lia Paulu ali nalio mu Yesu Kristo.
Shivune shikali shichilanga Paulu nahandika ibarwa iyi, nu khwenya khusanditsa Vakristayo vi litaala lia Filipi, khulondokhana khu shihanwa shia vali nivamurumili shimukhonye mumatukhu ka yali navula shindu shiosi. Paulu avukulanga vwiyangu yuvu khuvasuuvilitsa, khwenya vave ni ikholo nende lisuuvila, khali niiva Paulu avirilanga mu vutiinyu vunyishi khuli vo. Paulu avasayanga, nivayaanza vave nu mwoyo ku khwichehitsa khuli kwa Yesu; valeshe khwimililwa ni likomba liu khwiyenyela vindu, khandi liu khwichinjilila. Paulu avitsushitsanga ndi limenya liavo mu Kristo ni shihanwa shi tsimbavasi tsia Nyasaye, shia vanyola khuvirila mu lisuuvila; shikali nu khuvirila mu milukha chia Malako ka Vayahudi tawe. Ahandikanga niyivaala makhuva khulondokhana khu likhoya nende milembe, chia Nyasaye aheetsanga yavo vamenyanga mu Kristo.
Ibarwa iyi yamanyikhana muno, shichila ikalushilanga khwivaala makhuva khulondokhana khu likhoya, lisuuvila, vulala, nende likhutsila mu lisuuvila nende mu limenya liu Vukristayo. Ibarwa iyi, imanyinyanga khandi vuyaanzi vwa Paulu yali navwo muno khu likanisa lia Filipi.
Kalimu Muvwimbi
Kukhuraanjilila 1:1-11
Kakholekhanga khu Paulu mwene 1:12-26
Limenya mu Kristo 1:27—2:18
Ka Paulu Yakanakanila Timoteo nende Epafrodita 2:19-30
Lichelihitswa khu Vatsiku nende mu Maraava 3:1—4:9
Paulu nende Valina veve Vafilipi 4:10-20
Limalilikha 4:21-23
Currently Selected:
VAFILIPI KUKHURAANJILILA: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013