VAGALATIA KUKHURAANJILILA
KUKHURAANJILILA
Lwa Ivanjeli khulondokhana khu Yesu yaraanga khwilwatswa, ma vandu vi tsimbia tsindi nivachihuchilila, lireevo liareevwa niiva mundu yenyekhanga alonde Malako ka Musa, khumukhola khuva Mukristayo watoto. Paulu yali wayivaala khale ndi shikali kario tawe; navutswa shindu shienyekhanga mu limenya mu Kristo ni lisuuvila lionyene vutswa, lichilanga vandu voosi nivakholwa khuva valunji imbeli wa Nyasaye. Navutswa khwali na vandu valala mu makanisa mu litaala lia Galatia mu lusomo lwa Varoma, luli mu shivala shia Asia Indititi, vahinganyinyanga Paulu, nivavoola ndi mundu yenyekhanga alonde Malako ka Musa, khu akholwi khuva wi likhola liu vulunji imbeli wa Nyasaye.
Ibarwa ya Paulu Yahandichila Vagalatia, yahandikwa khulera khu lisuuvila liatoto nende mu vikholwa vandu vali nivakoyanyinywi na mechitso kaliho ku vuvehi. Paulu aranganga khwivaala shivune shichilanga nalaangwa murumwa wa Yesu Kristo. Atsilililanga khuvoola ndi mulaango kwekwe ku khuva murumwa kwarula khu Nyasaye. Mulaango kwenoko shiukwarula khu vunyali vu mundu tawe; khandi ndi muhinzilu kwekwe ku khwilwatsa khushila muno, kwali khu vandu vi tsimbia tsindi. Khulwa yako, Paulu atsilililanga khuchelitsa khwivaala ndi lisuuvila lionyene vutswa, nalio lichilanga vandu vakholwa khuva valunji imbeli wa Nyasaye. Paulu yivaalanga mu miliango chiukhumalilikha ndi mwiima ku Vukristayo kurulananga khu vuyaanzi vunyolekhanga khurulana khu lisuuvila mu Kristo.
Kalimu Muvwimbi
Kukhuraanjilila 1:1-10
Vunyali vwa Paulu Khuli Murumwa 1:11—2:21
Ivanjeli Khurulana khu Tsimbavasi tsia Nyasaye 3:1—4:31
Vuvoholole vu Mukristayo nende Muhinzilu Kwekwe 5:1—6:10
Limalila 6:11-18
Currently Selected:
VAGALATIA KUKHURAANJILILA: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013