VAKORINZO KUKHURAANJILILA
KUKHURAANJILILA
Ibarwa ya Khavili ya Paulu Yahandichila Vakorinzo, yahandikwa mumatukhu ku vutiinyu, ka Paulu yali navula lihaambana lilahi halala ni likanisa lili mu litaala lia Korinzo. Vasanji valala vi likanisa lienelo vali valomolome vindu vitamanu havulavu khulondokhana khu Paulu; navutswa Paulu ali ni lienya vahambane halala, mave nu vuyaanzi mu mwoyo kwekwe, nikamali khwikholekha.
Paulu yivaalanga mu shitonye shiukhuraanga shi ibarwa iyi, lihaambana lili hakari hehe ni likanisa lili mu litaala lia Korinzo. Yivaalanga shivune shiachila nachipa nu vululu khulondokhana khu manyekano nende mahingani kali nikali mu likanisa; khandi ali nu vuyaanzi shichila vululu vwevwe vwalera likanila nende lihaambana. Khulwa yako, asayanga Vakristayo nivayaanza vahaane vukhonyi nu mwoyo mulala khu Vakristayo vamanani vali mu lusomo lwa Yudeya. Paulu yivaalanga mu miliango chiukhumalilikha mu shitabu yishi, khuli yalaangwa khuva murumwa imbeli wa vandu valala vamenyanga mu litaala lia Korinzo vali nivikholi khuva navo varumwa vatoto, vatamanyinyanga Paulu, nivavoola ndi shiali murumwa watoto tawe.
Kalimu Muvwimbi
Kukhuraanjilila 1:1-11
Paulu nende Likanisa lili mu Litaala lia Korinzo 1:12—7:16
Vihanwa viu Khukhonya Vakristayo mu Lusomo lwa Yudeya 8:1—9:15
Paulu Yivaalanga Khuli Ali nu Vunyali khuli Murumwa 10:1—13:10
Limalilikha 13:11-13
Currently Selected:
VAKORINZO KUKHURAANJILILA: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013