1 VATESALONIKE KUKHURAANJILILA
KUKHURAANJILILA
Tesalonike liali litaala likali liu mu lusomo lwa Mekadonia, lwa Varoma vamihanga. Paulu yaraanjitsa likanisa mu lusomo lwenolo, niyakharula mu litaala lia Filipi. Nonoho, khwaliho na mahingani khurula khu Vayahudi vali nivashendeshela Paulu; shichila yilwatsanga vulahi khulondokhana khu likhuva liu Vukristayo khu vandu vi tsimbia tsindi, vali ni lienya liu khwiyunga mu Idini ya Vayahudi. Paulu yanikwa khurula mu litaala lia Tesalonike, natsililila nu luchendo lwelwe khutukha mu litaala lia Bereha. Lwinyuma, Paulu niyakhatukha mu litaala lia Korinzo, yanyola makhuva kahandikwa khulondokhana khuye mwene khurula khu mulina wewe, khandi wa vakholanga naye muhinzilu walaangwangwa Timoteo, khulondokhana khuli likanisa liali nilitsilililanga mu litaala lia Tesalonike.
Ibarwa Yukhuraanga ya Paulu Yahandichila Vatesalonike, yahandika khulu khutinyilitsa, khandi khusuuvilitsa Vakristayo viweneyo. Paulu asanditsanga shichila makhuva ka ahulilanga khulondokhana khu lisuuvila nende vuyaanzi vwavo. Avitsushitsanga limenya lia yamenyanga, lwa yali niyamenya navo. Yivaalanga makhuva khulondokhana khu mareevo kali nikarulile mu likanisa, khulondokhana khulitukhu lia Kristo aliitsa khukalukha: Mukristayo wakhutsa khale, Kristo nashili khukalukha aliitsa khusanga mu vulamu vwi mihika ni mihika, vuliitsa khurula khu Kristo, lwa liitsa khukalukha. Ni litukhu shina lia Kristo aliitsa khukalukha? Paulu avavoolelanga vatsililile khukhola mihinzilu vuchila liyooko, lwa valindililanga mu lisuuvilitswa khukalukha khwa Kristo.
Kalimu Muvwimbi
Kukhuraanjilila 1:1
Khusanditsa nu Khwitsominya 1:2—3:13
Litinyilitswa khu Mwiima ku Vukristayo 4:1-12
Mivaalo Khuli Kristo Aliitsa Khukalukha 4:13—5:11
Litinyilitswa Liukhumalilikha 5:12-22
Limalila 5:23-28
Currently Selected:
1 VATESALONIKE KUKHURAANJILILA: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013