VAKOLOSAI 4
4
1Munyi varuchi, mukholele varukwa venyu ku vulunji khandi katoto, shichila khali munyi mwamanya muli nu Muruchi mwikulu.
Mivaalo Kandi
2Mutsililile khusaala shia khase khosi, khandi mutsililile khuva vacheli lwa musaalanga, numusanditsa Nyasaye. 3Mukhusaalilikhu khandi, khu Nyasaye akhwikulile shiliango shiu khwilwatsa likhuva lielie, khuvoolela vandu makhuva kaviswa khulondokhana khu Kristo, lwa kali katoto nashio shivune shichilanga nimbohwa mucheela. 4Khulwa yako, musaalilikhu khu nzilwatse vulahi vwene, khuli kenyekhanga nzilwatse.
5Muve nu vusitsa munjila ya muvukulilamu vandu vambakhana khusuuvila, numurumishila munjila indahi yene vwiyangu vwosi, vwa muli navwo. 6Makhuva kenyu kamulomolomanga, kenyekhanga kave malahi khandi ku khuyaanzitsa. Mumanye khuli munyala khuchipa mundu munjila indahi yene.
Milembe Chiukhumalilikha
7Musuuvili washieru wa khwayaanza Tukika, uli muhinzili musuuvilwa khandi murumishi washieru mu muhinzilu ku Mwami, aliitsa khumuvoolela shia shindu shiosi khulondokhana khwinzi. 8Nashio shivune shichili nimuruma khu munyi, khu mumanye khuli khutsilililanga mu limenya lieru khandi amutinyilitse mu limenya lienyu. 9Ali halala na Onesima, uli musuuvili washieru, khandi wa khwayaanza mulala khurula khu munyi. Valiitsa khumuvoolela shia shindu shiosi shikholekhanga hanu.
10Arisitarika, wavohwa ninzi mucheela, umuheele milembe chiechie. Khali Mariko, uli musiala wa Baranaba, umuheele milembe chindi. (Muheelelwi khale mivaalo ku khwinjilitsa Mariko, niiva muliitsa khumulola.) 11Khali Yoshwa wi lira lindi Yusita, umuheele milembe. Vandu vavaka venavo, navo vasuuvili vonyene mu Vayahudi va khukholanga mihinzilu navo, shichila Vwami vwa Nyasaye, khandi navo vakhonyanila mu vunyishi.
12Apafura, nali mulala khu munyi khandi murumishi wa Yesu Kristo, umuheele milembe chiechie. Wamenya namusaalilanga ni tsingulu, nareevanga Nyasaye amukhole khusinjila ni tsingulu, khulondokhana khu lienya lielie liatoto, khuli vandu vahindila mu lisuuvila khandi vamanyi shia vakholanga. 13Inzi mwene nyala khuhaana vushiahidi khulondokhana khuli yakhola muhinzilu ni tsingulu shichila munyi, khandi khuli yakholela muhinzilu vandu vamenyanga mu mataala ka Laodikia nende Hierapoli. 14Luka, uli mushilishi washieru wa khwayaanza, halala na Dema, vamuheele milembe chiavo.
15Muhaane milembe chianje khu vasuuvili vi litaala lia Laodikia, khandi khu mundu ulaangwangwa Nimufa nende vandu vali mu likanisa liakanilanga munzu mwemwe. 16Lwa muliitsa khuva nu mwakhasomelwa ibarwa iyi, muchelitsi khulola ndi isomelwi khandi mu likanisa lia Laodikia. Khali munyi muchelitsi khulola ndi musomi ibarwa iliitsa khuva niruli mu litaala lia Laodikia. 17Muvoolele Arikipa: “Chelitsa khuli lwa unyala urweshitswi muhinzilu ku Mwami yakhuha.”
18Inzi Paulu, mbandikanga makhuva yaka nu mukhono kwanje: Nyoli milembe chianje. Muvuli khwivilila ndi navohwa minyololo!
Tsimbavasi tsia Nyasaye tsive na munyi.
Currently Selected:
VAKOLOSAI 4: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
