Isabulin 98
98
Akuju Lokepugan Akwap
Ekiruke
1Kirukokisi Lokapolon ekiruke lokitetet; esoma nesi aumosia!
Akani keng' nakoteten, nakalaunan ainaki nesi apedor naka akilanya.
2Etodia Lokapolon akilanya keng',
etodia nesi kakwapin apedor keng' naka ayuun.
3Abu nesi kisomaki kamunokina nepepe ka amina itung'a keng' luko Israel.
Aanyutu itung'a kere luka akwapin kwape eyuunana Akuju wok itung'a.
4Kirukokisi Lokapolon kalakara, akwap kere;
kiturwoto nesi ka ikirukesinoi kacela kanaka alakara!
5Kiturwoto Lokapolon!
Kirukoto iboliasi etida!
6Kokutakis arupepen ka amugwar,
kirukokisi Lokapolon, ejakait wok ka ailel.
7Kigirokin akare, kang'in ibore ni ejii toma kon;
akwap nepepe ka ng'ulu lu iboete kotoma akwap!
8Koramata akanin, osi ang'ololon;
osi imoru, kirukokisi Akuju nenipe kalakara.
9Kolakara koking'aren ka Akuju naarai ebuni nesi akipuga akwap.
Ebuni nesi atubonokin akwap ka abeite ka akipuga itung'a kajokus.
Currently Selected:
Isabulin 98: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
