Isabulin 97
97
Akuju, Lokepugan lo Epolo Noi
1Ipugae Lokapolon; Kolakari akwap!
Kolakarosi osi alarosinoi nu igalikiito akipi ka akaren!
2Irimokito nesi idowon ka akirionus;
ipugae nesi kadolite nepepe ka abeite.
3Egeit akim koking'aren keng',
ka akicwe ipading'atin keng' lu imanakiito nesi.
4Itacaunene akimiliaunun keng' akwap;
aanyuni akwap ka akicekun.
5Ecalanarosi imoru bala eminaa koking'aren ka Lokapolon,
koking'aren ka Lokapolon kaloka akwap kere.
6Elimonori kuju adolite keng',
bobo iteete akwapin kere akibusesu keng'.
7Itung'a kijokin lu imaete aputon itisilikino,
lu ipogasi kanuka aputon kes kanu mam kejaasi ka adumunet;
eluronokinete akujun kere koking'aren keng'.
8Elakara itung'a luko Sayon, apesur nuko Yuda ejaasi ka ailel,
kanuka atubonokin kon, Okwai Akuju.
9Lokapolon loka Apedor kere, ipugae ijo akwap kere;
ipolo ijo noi adepar akujun kere.
10Emina Lokapolon ng'ulu lu mam keminasi arokusio;
idari nesi akijar ka lukalaunak keng';
yunene nesi kesi kapedor kalukarokok.
11Ecakiit akolong' ng'ulu lu edolito,
ebuni ailel namaka ng'ulu kalu ideerete kotawon kes.
12Osi kere lu idolito kojaasi ka ailel kanuka nu esoma Lokapolon!
bobo kiyalamikisi ekiror keng' lokalaunan.
Currently Selected:
Isabulin 97: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
