Isabulin 99
99
Akuju, Ejakait lo Epolo Noi
1Erait Lokapolon ejakait, bobo icekete itung'a!
Iboye nesi kokuju adepar iboro lu ejaasi ka abenokoka, bobo ijang'ajang'a akwap.
2Epolo noi Lokapolon ko Sayon;
nesi nes lokalaunan ka akwapin kere.
3Kituroto kesi ekiror keng' lo epolo bobo kitukuriani!
Italauna nesi!
4Ejakait loka apedor, lo emina akiro nu edolito;
igwaaki ijo abeite akwap nako Israel.
Iyau ijo abeiteka asoma nu ideerete.
5Kiturwoto Lokapolon Akuju wok; kimaata koking'aren keng'!
Italauna nesi!
6Araito Musa ka Aron isaseredotin keng', bobo arait Samuel epe kamaka lu elipete nesi.
Abutu kesi komonyakisi Lokapolon, kosodi nesi abong'okin kesi.
7Abu nesi kinerata ka kesi alomun kodowon;
abutu kesi koricakisi ikisila ka acorasia nu abu nesi koinaki kesi.
8Okwai Lokapolon, Akuju kosi, ibu ijo kabong'ok kesi;
ibu ijo kitodiar kama kes irait Akuju lo irimana.
Konye ibu ijo kisicana kesi kanuka arokusio kes.
9Kiturwoto Lokapolon Akuju wok, bobo kimaata komoru keng' Lokalaunan;
Naarai erait lokalaunan Lokapolon Akuju wok Lokalaunan.
Currently Selected:
Isabulin 99: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
