Isabulin 96
96
Akuju, Ejakait lo Epolo Noi
(1 Akis 16:23-33)
1Kirukokisi Lokapolon ekiruke lokitetet!
Kirukoki Lokapolon, ijo akwap kere!
2Kirukoki Lokapolon, bobo kiturwoto nesi!
Kolimono ng'in paaran kuju ka ayuun keng' ng'in paaran.
3Kolimono akibusesu keng' kakwapin,
kolimono asoma keng' nukapolok kamaka itung'a kere.
4Epolo Lokapolon noi bobo itemokina akiturite nesi noi;
itemokina ayong'ite nesi adepar akujun kere.
5Akujun nuka akwapin kanuce kere eraito aputon along',
konye abu Lokapolon kojeu kuju.
6Akibusesu ka apolou irimokito nesi;
ileleba apolou ka akibus toma Otogo keng'.
7Kiturwoto Lokapolon, osi itung'a kere luka akwap;
kiturwoto akibusesu keng' nepepe ka agogong' keng'.
8Keturwoto ekiror ka Lokapolon, ekiror lo ejaasi ka akibusesu;
koyautu idutan bobo kobutu toma Otogo keng'.
9Kimaata Lokalaunan kalaro keng' kanakalaunan;
kicekete koking'aren keng', osi akwap kere!
10Kolimokisi akwapin kere, “Ipugae Lokapolon ejakait!
Esipokina akwap baaba, mam cut kebeikiite akisukunyaar.
Ebuni nesi atubonokin itung'a kabeite.”
11Kolakar ijo akwap ka akuju!
Kinyeki kiretu akare nepepe ka ng'in ibore ni ejii toma;
12Kolakarosi osi amaata nepepe ka ng'in ibore kani ejii toma keng'!
Kosodete ikito kere kamagoro ekiruke kalakara,
13koking'aren ka Lokapolon, naarai ebuni nesi atubonokin akwap.
Ebuni nesi atubonokin akwap.
Ebuni nesi atubonokin akwap kabeite, nepepe ka itung'a ka amuno keng'.
Currently Selected:
Isabulin 96: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
