Isabulin 95
95
Ekiruke loka akitur
1Kobuutu keturoto Lokapolon!
Kerukokisi ka ailel Akuju lo idari oni!
2Kabuutu nama keng' kakiyalama
ka ekiruke ikosioi luka akiturite luka alakara.
3Naarai erait Lokapolon Akuju loka agogong' kere,
ejakait loka agogong' lo epolokiit akujun kere.
4Ipugae nesi akwap kere,
ageun kabwai kanu eujaka noi akitodol omoru lukaujak.
5Akare erait naken naarai nesi asubi;
akanin keng' ajeunete akwap na ewonit.
6Kobuutu, kemaata bobo kalurokisi nesi;
kakukumoto koking'aren ka Lokapolon, lokasuban wok!
7Erait nesi Akuju wok; iraito oni itung'a lu idari nesi, ibaren lu einanakini nesi inyamen.
Kiirasi lolo nu ebala nesi,
8“Mam akisicasite itawon kwape isomaata osi ko Meriba,
kwape ka apaaran kana ajaatatare kesi Masa, moding'.
9Na atamiata luka asonya kus eong',
konye adauto kesi aanyun nu esomakiit eong' kesi.
10Kokaru akaisawong'on abutu kitakadikisi eong' itung'a ng'ulu.
Katemari eong', ‘Eraito kesi itung'a lu kewolioto, bobo mam kesi kigwapito irotin kang'.’
11Kanuka ng'un, abu eong' keyapo kotoma anyunyura kang',
tetere mam kesi kelomete akiyeng'un kang'.”
Currently Selected:
Isabulin 95: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
