Isabulin 94
94
Akuju Lokatubonokinan itung'a kere
1Lokapolon, irait ijo Akuju lo itisilaanari;
kopuko anyunyura kon!
2Irait ijo lokatubonokinan itung'a kere;
konyou koinaki luka epogi nu itemokina kesi adumun!
3Ebunete luka arokusio akitoloto alakara ka apaki kana etia ai?
Eyarete apaki na etia ai, Lokapolon?
4Ebunete luka arokusio akitoloto epogi ka apaki kana etia ai?
Ka epogi kuju ka arokusio kes?
5Emudianarete kesi itung'a kon, Lokapolon;
iimakiito kesi ng'ulu lu eraito lukon.
6Aariete kesi apuseru ka ikokiok,
ka akiara ilong'au lu iboete ka akwap kosi.
7Ebalasi kesi, “Mam Lokapolon kitee siong';
Mam Akuju loko Israel kitee.”
8Itung'a kang', ikote osi ibang'aaka ai?
Iwori isisiaunata osi?
9Abu Akuju kosub akii wok — mam nesi kepupi?
Abu nesi kosub akonyen wok — mam nesi kitee?
10Nesi lo iretanakini akwapin — mam nesi kebeikiit akitisilar kesi?
Erait nesi lokesisianakinan loka itung'a kere — mam nesi kejaasi ka akijen apede?
11Ejeni Lokapolon nu iwomowomoete oni;
ejeni nesi ekipone lo emamare awomowomosia wok kejookatatar.
12Lokapolon, ejaasi ka akibusesu koni itwan ni icori ijo,
itwan ni isisianakini ijo ekisil kon!
13Isiyeng'uni ijo nesi apaarasia nuka ican,
akitodol na ebokere adwi na elokuni lukarokok.
14Mam Lokapolon kinyekini itung'a keng';
mam nesi kinyekini ng'ulu lu eraito lukeng'.
15Ebong'uni asoma nu itemokina asoma nama kalu edolito,
bobo ebunete itung'a kere lu edolito kotawon kes akigang'a.
16Ng'ai kebu kigang'a eong' akitepege itwan nika arokusio?
Ng'ai kebu kigang'a eong' akitepege lukarokok?
17Kere kemam Lokapolon king'arakiit eong',
tia eong' kadau aikar atipet akwap ka lukatwak.
18Na eituna eong' ebe, “Ajurutaar akeju kang'”
abu amina kon na emam esial, Okwai Lokapolon, kigang'a eong'.
19Kepoloor apodo naka etau kang',
ing'aing'ai ijo eong' ka akitalakaar eong'.
20Emam akirot apede imorete ijo kalukatubonokinak lu ing'alaete,
lu ejeete ikisila luka akigang'ite nukarokok.
21Igang'anarosi kesi akitepege itung'a lu edolito,
ka atubokin kwarai itung'a lu emam kejaasi ka akiro.
22Konye Lokapolon nes ang'opes kang';
Akuju kang' nes ataaba nama ang'opitere eong'.
23Ebuni nesi akinyakakin kesi ikulopek arokusio kes,
emudiari nesi kesi kanuka arokusio kes. Ebuni Lokapolon Akuju wok amudiar kesi.
Currently Selected:
Isabulin 94: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
