Isabulin 85
85
Akilip kanuka ejautene lo ejokuna ka Akwap
Nama kalo epolokiit ekiruke. Ekiruke ka Isapa ka Kora.
1Lokapolon, abu kisoni ijo akwap kon;
ing'araki ijo Israel kisoma kojokan bobo.
2Irimaki ijo arokusio ka itung'a kon,
ibu ijo korimaki arokusio kes.
3Ibu ijo kinyeki anyunyurakiite kesi
kosodi ijo akirebokin adedeng' kon.
4Kinyaku siong' bobo, Okwai Akuju ekayuunan kosi,
kinyeki anyunyurakiite siong'!
5Ibuni ijo adedeng'ikiite siong' ikaru kere?
Ibuni ijo akituujate adedeng' kon kauri kere?
6Kisicata siong' bobo,
kasodete siong' itung'a kon akiturite ijo.
7Kitoodik siong' amina kon na emam esial, Okwai Lokapolon,
bobo koinaki siong' aking'arasit kon na iyuuni.
8Apupi eong' nu ebala Lokapolon Akuju;
isumunikiit nesi oni aipuc, oni itung'a keng' kelope, kemam oni kibong'okinete irotin wok luka abang'aanut.
9Teni elokokina nesi ayuun ng'ulu lu eyong'ito nesi,
bobo ebuni akibusesu keng' na iyuuni akideun kakwap wok.
10Ebunete amina ka amuno akiriamakin;
adolite nepepe ka aipuc ebunete anuinikin.
11Ayong'ara naka etung'anan ebuni adolore kuju alomun kokwap,
bobo adolite ka Akuju ebuni akitere kwap alomun kokuju.
12Ebuni Lokapolon ainakin oni itolosito kojokan,
bobo akwap wok ebuni akigwaakin idwenyan ipu.
13Ebuni adolite aking'arenikin Akuju ka akitenakin nesi eroto.
Currently Selected:
Isabulin 85: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
