Isabulin 84
84
Akimuite Etogo ka Akuju
Nama kalo epolokiit ekiruke: Atupa ka Gitit. Ekiruke ka Isapa ka Kora.
1Itiminaarit noi alaro na iboya ijo,
Okwai Lokapolon loka agogong' kere!
2Emina emoyo kang' noi ajaus otogo ka Lokapolon;
Ituriete etau kang' nepepe ka akwana kang' Akuju lo ejari ka ailel.
3Atikere adulai de adukoto itogoi kes,
ikapuladin de ejaasi ka itogoi kes kikulopek nama igwaakinete kesi idwe kes akidunya ka altarin kon,
Okwai Lokapolon loka Agogong' kere, ejakait kang' ka Akuju kang'.
4Ejaasi ka asulwanyi noi ng'ulu lu iboete ko Otogo kon,
ng'ulu lu iturete ijo ng'ini pak.
5Ejaasi ka asulwanyi itung'a lu ejii agogong' kes toma kon,
ng'ulu lu elokokina alosite Moru loko Sayon.
6Etubitosi kesi ka ajesat kana ewonit nako Baka, itaraunete alaro ng'ini naka icorin;
ilelebi akiru naka esial ka ekaru alaro ng'ini kabwalin.
7Itolosito kesi akicasite ng'ini pak;
ebunete kesi anyun Akuju loka akujun ko Sayon.
8Okwai Lokapolon Akuju loka Agogong' kere, kiira akilip kang';
kiira, Okwai Akuju ka Yakobo!
9Kong'olek, kiira Okwai Akuju ebuku kosi;
Kisulwanyiki ejakait lo inyonyoik ijo.
10Ajaus Otogo kon apaaran ape ejaasi ka adumunet adepar ajaus alaro ace apaarasia aritat ape.
Ejokuna eong' araus ekedaran korute ka etogo ka Akuju kang' adepar akiboi kayemai kaluka arokusio.
11Erait Lokapolon Akuju akolong' ka ebuku; einanikini nesi oni akibusesu ka apolou.
Mam Lokapolon kimiki ng'ulu lu edolito ibore kijokin nikajokan.
12Okwai Lokapolon loka apedor kere,
isulwanyikiite etwan lo emunokiit ijo!
Currently Selected:
Isabulin 84: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
