Isabulin 83
83
Akilip kanuka akilanya ipading'atin luko Israel
Ekiruke. Ekiruke ka Asaf.
1Okwai Akuju mam ataus tii;
mam aliling'ite, mam ataus tii!
2Kitee! Egurutu ipading'atin kon akinapakina;
ng'ulu lu ereito ijo ekieutu akwes kes ka epogi.
3Itemetemete arokusio nuka adaun itung'a kon;
ineranakinosi kuju kang'ulu kalu idari ijo.
4Ebalasi, “Kobuutu, kamudiasi kesi,
tetere emam kiituno cut bobo ekiror Israel.”
5Iiranarosi kesi ketau kepe;
iyapoete akitepege ijo:
6Itung'a ka Edom nepepe ka luka Ismail;
itung'a ka Moab kaluka Agari;
7itung'a luko Gebal, Amon ka Amalek
kaluko Filistia ka Taya.
8Emorikikinosi Asiria de ka kesi;
egang'ata kesi noi auri ka Lot.
9Kisomaki kesi kwape isomakina ijo itung'a luko Midian,
nepepe ka Sisera ka Yabin ka ang'ololo kanako Kison.
10Itung'a lu apon komudiare ko Endo,
koraunete iboro usa lukarokok kakwap.
11Kisomaki lukayaitok kes nu ibu ijo kisomaki Oreb nepepe ka Seeb;
kilanya ikepugak kes kere kwape isomakina ijo Seba kiton Salmuna,
12lu abutu kotemasi, “Iyarete siong' emanikor ka Akuju ka akitaraun lokosi.”
13Okwai Akuju kang', kisiaraki kesi bala apua,
bala inya lu ekutari ekuwam.
14Kwape enyemia akimi amagoro,
kwape enyemia kakim imoru,
15kigwapa kesi kakireta kon kitiriapu kesi kekuwam kon kalo ededeng'.
16Korapa akonyen kes ka asilutu,
tetere ebunete acamun ijo Okwai Lokapolon.
17Kinyek kitisilikine kesi bobo kicanakinosi ikaru kere;
kinyek cut kotwakata kotoma asilutu.
18Kinyek kojenutu kesi ebe ijo bon lo erait ekiror kon Lokapolon,
nes Akuju lo Epolo noi kakwap kere.
Currently Selected:
Isabulin 83: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
