Isabulin 82
82
Akuju, Lokepugan lo Epolo Noi
Ekiruke ka Saf.
1Epolokiit Akuju ebarasa keng';
etubonokini nesi ka atuket ka akujun.
2Akitodolo iwori itolosito osi atubonokin itung'a emam adolite,
ka aminuute itung'a luka arokusio?
3Kisomakisi lukapalapalak ka ikokiok nu itemokina akisomakin kesi;
kisomaki lukapalapalak kang'ulu kalu inuyarite nu edolito.
4Koyuutu lukapalapalak kalu ejaasi ka akadadu;
koyuutu kesi alomun kamaka luka arokusio.
5“Mam kejenete, mam kejaasi ka acoa, elosiete kakirionus;
ejang'ijang'i apeteta kijokin nuka adolite kakwap.
6Katemari eong', ‘Iraito osi akujun.
Iraito osi kere idwe ka Akuju kalo Eliliara Noi.’
7Konye itwakete osi bala itung'a;
edaun akijar kus bala naka ejakait kere.”
8Konyou Okwai Akuju, kotubonok akwap;
akwapin kere eraito nukon.
Currently Selected:
Isabulin 82: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
