Isabulin 81
81
Ekiruke loko opucit
Nama kalo epolokiit ekiruke. Atupa ka Gittit. Ekiruke ka Saf.
1Kirukokisi keporoto kaloko kuju, Akuju lokegang'an wok;
keturoto ka ailel Akuju ka Yakobo!
2Kirukoto, bobo koboliata itamburinin;
koramata atenuso, koboliata aulerun nepepe ka akinandai nuka acela kana epupo ejokuna noi.
3Kokutata arupepen apaki na egeuna elapa lokitetet,
apaki na etakania elapa kijokin, apaki naka epucit wok.
4Lo nes ekisil ko Israel, acorasit alomun kamaka Akuju ka Yakobo.
5Abu nesi koinaki itung'a luko Israel acorasit ng'in na alomikina nesi akwap nako Misiri.
Apupi eong' eporoto lo mam eong' kajeni ebala,
6“Abu eong' kalema alang'iru kokoper kon;
abu eong' kalema amatofali kakanin kon.
7Apaki na ijaare ijo ocani, ibu ijo konyarau eong', kasodi eong' ayuun ijo.
Abu eong' kenyakaki ijo kotoma akiruruma kidowon.
Abu eong' katama ijo kotoma akipi nuko Meriba.
8Itung'a kang', kiirasi acorasia kang';
kere cut apupokin osi eong', okwai Israel!
9Mam cut akimaa bobo akuju ace.
Mam cut akukokin akuju ace.
10Erait eong' nes Lokapolon Akuju kon,
lokeyauni ijo alomun kakwap kanako Misiri.
Kong'aa akituk kon, ketani eong' ijo.”
11“Konye mam itung'a kang' apupokin eong';
Kong'eri Israel eong' cut.
12Kanuka ng'un, kenyekini eong' kesi kideunosi kakicasite kitawon kes,
kisomata nu ekotosi kesi ikulopek.
13Kere cut itung'a kang' apupun eong';
kere cut kesi akigwapa irotin kang'!
14Tia eong' elanyi ipading'atin kes atipet,
ka akilanya ipading'atin kes kere.
15Tia ng'ulu lu ereito eong' ebeikiito akukumikin eong' ka akurianu;
bobo tia akisicanio kes erauni naka ikaru kere.
16Tia eong' etani ijo ka engano kalo idupukuk noi,
ka akisimonikin ijo ka asig kanaka ataaba.”
Currently Selected:
Isabulin 81: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
