Isabulin 80
80
Akilip kanuka ainyakakinet ka akwap
Nama kalo epolokiit ekiruke: Atupa ka ikorom. Akijen ka Asaf. Ekiruke.
1Kiira siong', Okwai Lokejokon loko Israel, ijo lo iyait Yosef bala ibaren!
Ijo lo iboe kokuju ka iboro kalu ejaasi ka abenokoka kojii icae
2koking'aren ka Efraim, Benjamin kiton Manase!
Kitodia agogong' kon, kobuu koyuu siong'!
3Kinyaku siong' nama kon, Okwai Akuju!
Kisoni siong', kasodete siong' ayuuno.
4Okwai Lokapolon Akuju, Akuju loka ajore,
iyaari ijo apaki na etia ai inyunyurakiit ijo alipasia nuka itung'a kon?
5Itarau ijo akituur inyamen kosi;
itamata ijo siong' akiyo nu ipu noi.
6Ijalaki ijo ipadukotin kosi kinwang'ito siong';
kakwenatatare ipading'atin kosi siong'.
7Kinyaku siong' Okwai Akuju loka Agogong'!
Kisoni siong' tetere kayuuno siong' ayuuno!
8Ibu ijo koyau emusabibu alomun ko Misiri;
ibu ijo kireng'ia akwapin nuce ka akiraikin siong' akwap kes.
9Ibu ijo kitene akwap kanu kosi;
abutu akatagor kosi kidulorosi kwap ka akilelebun akwap.
10Abu etolim keng' korapa imoru,
koraunete akwii keng' bala isidai lukapolok.
11Abutu ateniek keng' kipasarosi akare,
nepepe ka akare nako Yufrets.
12Inyo kibirokinata osi kwap arwatan nu emanamanakiito?
Itwan kere ni etubitoi tar kodeng' araito keng'.
13Icakicakiete ipegei luko moding',
bobo iboro kere lu ejarete enyemete araito ng'unu.
14Kobong'u bobo nama kosi, Okwai Akuju loka Agogong' kere! Kong'oleu kwap alomun kokuju;
kidara emusabibu lo,
15lo ibu ijo kiraik kakani kon kanakoteten,
ng'olo lo ibu ijo kitopolou icasit noi!
16Itung'a ng'ulu lu kicweikinete ka ajepakin kwap;
kong'oleki kesi kanyunyura kotwakata.
17Kinyek kidara akani kon etung'anan lo ejii akani kon nakoteten,
okoku ka etwan lo isicata ijo kanu kon kelope.
18Mam siong' bobo cut kinyekinete ijo;
kitajara siong', kasodete siong' akitur ijo.
19Kinyaku siong', Okwai Lokapolon Akuju loka agogong' kere!
Kisoni siong', tetere kayuuno siong'.
Currently Selected:
Isabulin 80: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
