Isabulin 8
8
Akibusesu ka Akuju ka Ejautene lokajokan ka Etung'an
Nama kalo epolokiit ekiruke: Atupa ka Gitit. Ekiruke ka Daudi.
1Okwai Lokapolon Akuju kosi, etakani apolou kon ka akwap kere!
Akitur kon edoli kuju;
2idwe nepepe ka imuker nes irukononosi.
Ikuit ijo kamaka ipading'atin kon kere;
irebokini ijo itwan kere ni itepegi ijo.
Ang'oliari eong' kuju obibiru nama ijeuni ijo,
3Na ang'oliara eong' kuju, asoma nuka ibokoro kon,
elapa nepepe ka akanyer nu igwakit ijo alarosinoi kes
4Inyena konye etung'anane lo iwomowomoe ijo kuju kes;
iboro lu etwakete along'u, ebe nes ipodo ijo kuju kes?
5Konye ibu ijo kosub kesi ejaasi kwap kon bon;
kitanap ijo kesi akibusesu nepepe ka ayong'ara.
6Ibu ijo koseu kesi apolokiite ng'ini ibore ni kibu ijo kosub;
ibu ijo kipiak kesi apolokiite ng'in ibore:
7Amerekekin ka akituk nepepe ka ityeng' luko moding'
8ikwenyi ka ikole nepepe ka iboro lu ejarete lu ejaasi toma akipi.
9Okwai Lokapolon, Akuju kosi,
etakani apolou kon ka akwap kere!
Currently Selected:
Isabulin 8: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
