Isabulin 7
7
Akilip naka Abeite
Asigaion ka Daudi, na kebu nesi kirukok Lokapolon kuju ka Kus lokokitekere ka Benjamin.
1Okwai Lokapolon Akuju kang', abu eong' nama kon tetere idari ijo eong';
koyuune eong', kitukuu eong' kamaka itung'a kere kalu ekotosi eong',
2along'u ebunete adakar eong' bala eng'atun nama emam itwan ipede kebeikini ayuuni eong',
kosodete kesi anyilinyil eong' kang'ina.
3Okwai Lokapolon Akuju kang', kesomate eong' nu,
kejii aronus apede akanin kang',
4kagamakiit eong' ipoupa kang' aronus,
kere de kademit eong' ipading'a kang' emam atenikina
5kinyek ipading'atin kang' komejata eong' ka akikamun eong',
kinyek kesi kotubutuboto eong', ka akiyara eong'
bobo kinyekisi kesi eong' atwanit!
6Konyou, Okwai Lokapolon kotoma anyunyura kon!
Kogwo kirebok adedeng'u ka ipading'atin kang';
kokwenyu, Okwai Akuju kang'; idau ijo atyakun atubokino.
7Kanuka ng'un kotukoki nenipe itung'a kere nama kon,
bobo kipuga kesi alomun kokicolong' kon kokuju.
8Etubonokini Lokapolon itung'a kere.
Kotubok eong' Okwai Lokapolon atupa ka adolite kang';
bobo atupa ka ajokus na ejii toma kang'.
9Kinyek aronus kalukarokok kong'etakin,
kitogogong'o itung'a kon lu edolito,
ijo lo itamenene awomowomosia ka itauon, ijo Akuju lo idolit.
10Ebuku kang' erait Akuju;
lo eyunene lu ideerete kotau.
11Erait Akuju lokatubonokinan lo edolit,
bobo Akuju lo eng'erit aronus ng'ini pak.
12Kemam etwan kisilari, ipienar Akuju ekileng' keng';
ekuduni nesi akabwa keng' kosodi akipiakin elokokina;
13elemuni nesi ijisio keng' luarete
itarauni nesi ikojoi keng' iboro lu enokete.
14Kitee, epotuni itwan nikaronon aronus;
bobo epotie nesi nukarokok,
kosodi akidoun aliokonu.
15Iteni nesi adwi, eboki king'a,
kosodi akibirokin adwi na abok nesi.
16Ebong'uni aronus akou keng' ka elope,
bobo kuju ka akou keng' nes edacakin adedeng'u keng'.
17Ainakini eong' Lokapolon akiyalama na itemokina kanuka adolite keng',
bobo erukokini eong' ikosio luka akiturite Lokapolon lo Eliliara Noi.
Currently Selected:
Isabulin 7: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
