Isabulin 9
9
Akiyalama kamaka Akuju kanuka Adolite keng'
Namaka Lokerukon: Atupa ka Mutlaben. Ekiruke ka Daudi
1Eyalamikini eong' Lokapolon ketau kang' kere;
alimori eong' asomisio kon nuka aumosia kere.
2Alakari eong' ka akitur ijo,
Erukokini eong' ekiruke loka akitur ekiror kon, Okwai lo Eliliara.
3Na abong'orata ipading'atin kang' na,
abutu kesi kigukisi ka atwanare koking'aren kon.
4Naarai idara ijo asomisio kang' nu edolito,
ibookini ijo okicolong' kon inanakini atubonokin na edolit.
5Iretaki ijo akwapin, imudia ijo lukarokok;
ifuta ijo ekiror kes ikaru kere.
6Awolioto ipading'atin wok kotoma amudiaro ikaru kere;
iuko ijo ireria kes lukapolok,
adaun akiitunun kesi.
7Konye iboye Lokapolon kokicolong' keng' ikaru kere;
etene nesi ekicolong' keng' loka ang'osibib kanuka atubonokin.
8Etubonokini nesi akwapin kadolite.
Etubonokini nesi itung'a kajokus.
9Erait Lokapolon ang'opes kalu inuyarite,
ang'opes kapakio kanuka ican.
10Bobo ng'ulu lu ejenete ekiror kon ipiakinete amuno kes nama kon
naarai ijo Okwai Lokapolon mam kicakari lu kikotosi ijo.
11Kiturwoto Lokapolon, lo iboe ko Sayon!
Kolimokisi itung'a asomisio keng'!
12Naarai nesi lo inyang'i aokoto epodo kuju kesi;
mam nesi kimuruokini akimonyo kaluka ican,
13Kosyana kama kang', Okwai Lokapolon!
Kitee nu ecanere kamaka ng'ulu kalu kareite eong'!
Ijo ilemari eong' korutei kaluka atwanare,
14tetere emari ajokusia kon kere,
ebe kokekia ka akoku ka Sayon
tetere aleli eong' kanu kiyuuna ijo eong'.
15Elumokinosi akwapin toma adwi na abokete kesi ikuloopek;
toma ore lo egwaete kesi nes ekamunototor akejen kes ka ikulopek
16Etejenun Lokapolon elope, adau atubonokin;
kosodete luka arokusio akikamun ka asomisio kes ka ikulopek.
17Eikarete lukarokok akimi,
akwapin kere nu emuruokisi Akuju.
18Naarai lukapalapalak mam kimurukino ng'in pak;
bobo mam amuno kalu epalipalito ketwaani ikaru kere.
19Lokapolon kobu! Mam aisikin itwan ipede konuang' ijo!
Koyau, okwai Loapolon! Mam aisikin etwan kilanya;
kinyek akwapin kotubokina koking'aren kon.
20Koinaki kesi kojaasi ka akurianu, Okwai Lokapolon;
koinaki itung'a kojenutu kotoma akurianu ebe eraito kesi lu etwakete.
Currently Selected:
Isabulin 9: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
