Isabulin 77
77
Aking'aing'ao ka apak kanaka akituur
Nama kalo epolokiit ekiruke: Atupa ka Yedutun. Ekiruke ka Saf.
1Amonyakit eong' Akuju koporoto kaloko kuju;
amonyi eong' koporoto kaloko kuju, kosodi nesi akiirar eong'.
2Kapakio kanuka ican elipi eong' Lokapolon;
akware kere ekiari eong' akanin kang' elipi,
konye mam eong' kabeikini adumun aking'aing'ao.
3Na eituna eong' kuju ka Akuju, ewutiei eong';
na aumowoma eong', kapasenene eong'.
4Einakiit nesi eong' akikwenye akwaare kere;
eyalong'ong'oe eong' noi na mam kabeikina ejori.
5Awomowomoe eong' kuju ka aparasia kanu atuborosi
ka akiitun ikaru lu atuborosi.
6Adaun eong' akwaare kere awomowomoe noi;
awomowomoe eong', bobo nu nes eng'itanakin eong' elope:
7“Eng'eri Lokapolon oni ng'in pak?
Mam bobo nesi cut kelakarosi ka oni?
8Apalik nesi amina oni?
Mam asumunet keng' bobo kegwoi?
9Emuruok Akuju ajaus ka asianut?
Ayaa anyunura alaro naka asianut keng'?”
10Kasodi eong' atemar, “Niketakadikiit eong' etau noi erait eni
ebe mam Akuju bobo kejaasi ka agogong'.”
11Eituni eong' asoma kon nu epoloko, Lokapolon;
eituni aumosia nu ibu ijo kisoma sek.
12Abuni eong' awomowomo kuju ka kang'un kere kanu isoma ijo;
abuni eong' awomowomo kuju aumosia kon kere kanu isoma ijo.
13Ng'in ibore ni isomae ijo Okwai Akuju, erait ni kalaunan.
Emam Akuju na epolo kwape kon.
14Irait ijo Akuju na isomae aumosia;
ibu ijo kitodia agogong' kon ka akwapin.
15Kagogong' kon ibu ijo koyuu itung'a kon,
auri ka Yakobo nepepe kanaka Yosef.
16Na aanyunata akipi ijo, Okwai Akuju abutu kesi kokuriakarosi,
kosodete akipi kama eduloro ka akare akicekun.
17Kobukutu idowon akiru;
abu akiruruma kidowon kolom kokuju
kosodi akimilianun alomun kowaitin kere.
18Abu akiruruma kidowon kolom
kosodi akimilianun akitacaun akwap;
kosodi akwap akicekun nepepe ka akijang'ajang'a.
19Ibu ijo kolot kokuju kikokoron kaluka akare;
ibu ijo kodoka nama eduloro ka akare,
konye amam ikukut ka akejen kon atakanun.
20King'arenik ijo itung'a kon bala lokecokon,
epolokiito Musa ka Aron kesi.
Currently Selected:
Isabulin 77: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
