Isabulin 76
76
Akuju Ekelanyan
Nama kalo epolokit ekiruke: Nepepe ka iboro kalu kaunoi. Ekiruke ka Saf.
1Ejenuna Akuju ko Yuda;
eyong'ite ekiror keng'iko Israel.
2Ejaasi nesi ka ere keng' Yerusalem;
iboye nesi Komoru kaloko Sayon.
3Abu nesi kobilibil ikojoi ka epading',
ibukui kes ka ileng'ia kes lukaujak, eebo, ijiito kes kere.
4Ikoni ijo ijaasi ka akibusesu ai, Okwai Akuju!
Ikoni ijo ileleba ang'osibib ai, ibong'uni ijo komoru nama idong'ora ijo lukitijiete ijo.
5Luka ajore kes lu etitinyi ademar ng'in iboro ni kejaasi ka kesi
bobo kipokona ejotoete ajoo nuka atwanare;
agogong' kes kere nepepe ka akijene kes amam adumunet.
6Na imania ijo kesi, Okwai Akuju ka Yakobo,
afarasin nepepe kaluketekerak kes abutu kibirokinosi kwap ka atwanare.
7Konye ijo Lokapolon, kikuriaka ijo itung'a kere.
Emam ipede ebeikini akigwo koking'aren kon na inyunyura ijo.
8Ibu ijo kitodia atubonokino kon alomun kokuju;
abu akwap kokurianar kataun tii,
9na inyouna ijo kuju atubonokin itung'a,
kanuka ayuuni kere lu imakite kakwap.
10Anyunyura ka etung'anan eyauni akiturite na epolo nama kon;
ng'ulu lu abutu kokuwata kojie ebunete akinumunum ipucin kon.
11Koinak Lokapolon Akuju kon nu ibu ijo kisumunik nesi;
koinutu nesi idutan, osi akwapin kere nu aapete.
Einakiit Akuju ng'in itwan akurianu nesi;
12iyapeperauni nesi idwe ka ijakaa.
Kosodi akitukurian ijakaa lukapolok.
Currently Selected:
Isabulin 76: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
