Isabulin 73
73
Ekitabo Lokiuniet
(Isab 73—89)
Abeite ka Akuju
Ekiruke ka Asaf
1Teni ejokuna Akuju kamaka itung'a kaluko Israel,
kamaka ng'ulu kalu ejaasi ka itau lu elayete.
2Konye aapiarit eong' amamuun;
apiarit akiyuun kang' adaun agogong'
3naarai amam luka epogi abutu ketalakaasi eong'
apak na etoo eong' ebe itolosito akiro kojokan kama itung'a kalukarokok.
4Mam kesi kepupienenete apipilu;
icasito kesi bobo eng'aleete kesi.
5Mam kesi kicanasi bala itung'a luce;
mam kesi kejaasi ka ican kalu ejaasi ka itung'a kice.
6Erait epogi bala atipe kes nuko omorising'
erapit adedeng'u kesi bala enaga.
7Akonyen kes ebuonoroete kanuka asoma arokusio;
elomete akitemetemesio nukarokok kotawon kes.
8Ekwenatatar kesi itung'a luce ka ejori nukarokok;
ejaasi kesi ka epogi bobo itemetemete kesi ekipone loka akisicana luce.
9Inerasi kesi nukarokok kuju ka Akuju kalo ejii kuju
ka ainakin ng'in itwan ka akwap acorasia nu ededeng'.
10Atikere itung'a ka Akuju de igwapito kesi,
mam kaanyuto kama kes ibore ipede nikaronon bobo emunokiito kesi ng'in ibore ni ebalasi kesi.
11Ebalasi kesi, “Mam Akuju kebuni ajenun;
Akuju Loka Apedor kere mam kejenuni.”
12Ng'olo nes ejautene ka itung'a luka arokusio.
Ejaasi kesi ka iboro kalu ipu bobo itolosito ng'in pak akote ice.
13Kanuka ng'un emam atenikina nakedaria eong' akwana kang' kadolite
bobo nakang'eria eong' asoma arokusio?
14Okwai Akuju, isican ijo eong' aparasia kere;
isicana ijo eong' ng'in taparacu.
15Kere kenerite eong' akiro bala ng'unu,
atia eong' mam kesomae bala epe ka itung'a kon.
16Abu eong' katamak akiitununi kuju ka ican kalu,
konye ecasit noi kama kang'
17akitodol apak na alosia eong' Otogo kon.
Kaneni kajenuni eong' ng'unu nu ebunete akisomakin kamaka lukarokusio.
18Ibuni ijo akipiakin kesi alarosinoi nu ejurut
ka ainakin ibirokinosi kesi atwanare!
19Emudiaro kesi atipet;
ebunete kesi adaun kokipone kalokaronon.
20Eraito kesi bala eruja lo edaun taparacu;
na inyouna ijo elope, Okwai Lokapolon, ebunete kesi awoli.
21Na arokatatar awomowomosia kang',
bobo na eiraritere eong' apipilu,
22abang'ana eong' bala etyang';
mam eong' abu kekamu ijo.
23Konye kong'in de, ajaasi eong' ka ijo ikaru kere, Okwai Akuju!
Irumit ijo eong' kakan ka akigang'ite eong'.
24Iyait ijo eong' kacorasia kon;
kosial idiyauni ijo eong' ka akibusesu kon.
25Ng'ai kokuju ebeikini aking'arakin eong' kemam kerait ijo?
Kakwap emam ibore ni eminanarosi ka eong' adepar ijo!
26Ebeikinete adama kang' ka akwana kang' akipasa,
konye Akuju nes agogong' kang';
nesi nes ng'in ibore ni akote eong' ng'in pak.
27Ng'ulu lu eng'erito ijo ebunete atwakare;
ibuni ijo amudiar ng'ulu lu emam kejaasi ka amuno kama kon.
28Konye eong', kajokokiit akidunya ka Akuju,
ijo Lokapolon Akuju loka Apedor kere nes akijar kang'.
Abuni eong' akisiarasiara kuju ka akiro kere kanu abu kisoma!
Currently Selected:
Isabulin 73: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
