Isabulin 72
72
Akilip kanuka Ejakait
Ekiruke ka Solomon.
1Kisisianak ejakait atubonokin kadolite kon, Okwai Akuju;
komorata ka nesi adolite kon kelope,
2tetere ebuni nesi akipuga itung'a kon kadolite
ka ayaite kadolite lu isicanio.
3Elipit eong' koinutu imoru itung'a kon apedor naka akitolosite kojokan,
kilelebun adolite omoru.
4Elipit eong' kotubonoki ejakait lukapalapalak kadolite;
elipit eong' king'araki nesi ng'ulu lu ejaasi ka akadadu ka akilanya ng'ulu lu isicanete kesi.
5Elipit eong' kimaata itung'a kon ijo kapakio kon kere kanuka acaus ka akolong',
kapakio kere kanuka acaus kelapa, kokaru kere kaluko king'aren.
6Elipit eong' korau ejakait bala akiru kamaata,
bala akaswet edokiit amaata.
7Elipit eong' kojaikin adolite kakijar keng',
bobo elipit eong' kojaikin akitoloto kojokan kapakio kere kanu ebunia elapa acaus.
8Ebuni ajakaanut keng' ageun ka akare kadolore akare,
ebuni ageun ko Yufrets kadolore osial ka akwap.
9Ebunete itung'a luko moding' aluronokin nesi;
ebunete ipading'atin keng' akibironokin kwap.
10Ebunete ijakaa luko Spein nepepe kaluka alarosinoi kanu igalikiito akipi ainakin nesi idutan;
ebunete ijakaa luko Sieba kaluko Seba ainuni nesi ileman.
11Ebunete ijakaa kere aluronokin nesi;
ebunete akwapin kere akijaanakin nesi.
12Ebuni nesi ayuuni lukapalapalak lu imaete nesi,
nepepe ka ng'ulu kalu ejaasi ka akadadu bobo kong'eritete itung'a kesi.
13Isonie nesi itung'a lu emam kejaasi ka agogong'u bobo kopalipalito;
eyuuni nesi ng'ulu lu ejaasi ka akadadu.
14Eyuuni nesi kesi kakisicanio bobo kamaka ng'ulu kalu itijiyete kesi;
itiminaarit akijar kes kama keng'.
15Ejakait kojara kokaru kere!
Elipit eong' koinakine nesi esawabu loko Sieba; kilipakine nesi ikaru kere;
kodum nesi asulwany ka Akuju ng'ini pak!
16Elipit eong' kojaikin ekinyomit epolo akwap;
elipit eong' korapata iraan imoru,
kidooto bala ng'ulu luko Lebanon.
Kinyek kilelebunosi itung'a oreria lukapolok,
bala amaata nu ileleba inya.
17Kinyek kiitutete ekiror ka ejakait ng'ini pak;
kinyek kojaikin ajenuna keng' kapakio kere kanuka acaus ka akolong'.
Kinyek king'itata akwapin kere Akuju kisulwanyik kesi kwape esulwanyikina nesi ejakait.
18Keturwoto Lokapolon, Akuju loko Israel!
Nesi bon nes isomae iboro luka aumosia.
19Keturwoto ekiror keng' loka akibusesu ikaru kere!
Kinyek kilelebun akibusesu keng' akwap kere.
Ikote nepeneni! Ikote nepeneni!
20Lo nes esial ka alipasia ka Daudi okoku ka Yese.
Currently Selected:
Isabulin 72: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
