Isabulin 71
71
Akilip naka itwan kani epolooro
1Lokapolon, abu eong' nama kon tetere idari ijo eong';
mam akinyekin kelanyo eong'!
2Kanu idolitere ijo, king'arak eong' bobo koyuu eong'.
Kiira eong', bobo koyuu eong'!
3Koraite ijo amoru kang' nama amotakini eong' kidarai eong',
etogo lo icasito arwatan lo iyuuni eong'
naarai erait ijo nes idari eong' ka akigang'ite eong'.
4Akuju kang', koyuune eong' kamaka lukarokusio,
kapugan kalukaarak kalukarokok.
5Lokapolon Akuju, amunokiit eong' ijo;
ajaikinosi eong' ka amunokina kama kon ape kekiditeu kang'.
6Ajaikin eong' etee ijo ka akijar kang' kere;
idara ijo eong' ape kidounere eong'.
Abuni eong' akiturite ijo ng'ini pak.
7Ajaikin akijar kang' erait ibore ni igwapito itung'a lu ipu,
kanu ijaikiner ijo irait lokedaran kang' loka agogong'.
8Eturi eong' ijo apaaran kere
ka akisiarasiara kuju ka akibusesu kon.
9Mam aking'er eong' kanu amojong'ia eong' kipokona;
mam akinyekin eong' kanu kipokona amamuna eong' agogong'.
10Ekotosi ipading'atin kang' akiyara eong';
inerasi ka akitemeteme ekipone loka akiyara eong'
11Ebalasi, “Enyeki Akuju nesi;
kalototo kekamutu nesi;
emam itwan ebeikini ayuuni nesi.”
12Mam ajaus nama elwana ecut, Okwai Akuju;
Akuju kang', kobuu atipet koyuune eong'!
13Elipit eong' kilanyai ng'ulu kere luketijiyete eong' bobo komudiare kesi.
Kitisilikine ng'ulu kere lu etamakiito akikang'as eong'.
14Ajaikin eong' amunokiit ijo ng'ini paaran;
abuni eong' akiturite ijo cut.
15Abuni eong' ejori kuju ka ajokun kon;
ng'ini paaran abuni eong' ejori kuju ka akiyuun kon,
konye edeparit nu abeikiit eong' akijen.
16Abuni eong' alosite kagogong' ka Lokapolon Akuju;
abuni eong' ejori kuju ka ajokus kon, nakon bon.
17Isisianaki ijo eong' ape ka ekiditeu kang',
bobo aring'a eong' etolosit ejori kuju ka asoma kon kanu epoloko.
18Mam akinyekin eong', Okwai Akuju!
Arait eong' emojong'it loka akoruo,
kalimonoki eong' auri na ebuuti kuju ka apedor kon.
19Adolite kon, Okwai Akuju edoli kuju.
Isoma ijo iboro lukapolok noi; emam itwan bala ijo.
20Ijukaki ijo eong' ican, konye ibuni ijo akinyakun agogong' kang';
ibuni ijo ayuuni eong' kates.
21Ibuni ijo ainakin eyong'ete itung'a eong' adepar sek;
ka akitililim eong' bobo.
22Teni abuni eong' akiturite ijo ka auleru;
abuni eong' akiturite amunokina kon, Akuju kang'.
Abuni akikut auleru eruko eong' aking'aing'a luka akiturite ijo.
23Aceluni eong' kalakara, erukokiit eong' ijo ikirukesinoi luka akiturite ijo,
bobo ebuni eporoto kang' akitama ijo naarai iyuu ijo eong'.
24Abuni eong' ejori kuju ka adolite kon apaarasia kere,
naarai ng'ulu lu atamakiito akikang'as eong' elanyi bobo etisilikin kesi.
Currently Selected:
Isabulin 71: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
