Isabulin 65
65
Akitur ka Akiyalama
Namaka kalo epolokiit ekiruke. Ekiruke ka Daudi. Ekiruke.
1Itemokina siong' akitur ijo ko Sayon, Okwai Akuju;
ka akisomakin ijo nu esumunikisi siong' ijo,
2naarai ipupi ijo alipasia.
Ebunete itung'a kang'olo wai nama kon
3kanuka arokusio kes.
Kikarikisi siong' ariokusio kosi, irumakini ijo siong'.
4Erereng' ng'ini ni iseuni ijo, ka ayauni nama apie, akiboi ko otogo kon!
Ibunete siong' akilesikin ka ajokus naka etogo kon lokalaunan!
5Kokipone kaloka asomisio kon kanukapolok iiranari ijo siong' ka ayuun siong',
Okwai Akuju loka ayuuno kosi, ijo nes ayuuno naka iboro kijokin, kakwap kiton akarin.
6Ipiaki ijo imoru alaro kes kagogong'u kon,
itodiarito agogong' kon na epolo.
7Isinapakini ijo aruore naka ang'ololon, nepepe ka acela naka ikokoron keng';
itililing'i ijo acela ka itung'a.
8Eumokiit akwap kere asomisio kon.
Eyauto asomisio kon ailel ageun kowai kepe kaloka akwap anang'akin wai loce.
9Idari ijo akwap kokipone kaloka akijukun akiru.
Itabara ijo akwap ka ainakin abositait noi.
Ileleba akipi ocori kon; iinakini ijo akwap iraan.
Lo nes ekipone lo itenia ijo akwap.
10Ijukunene ijo akiru na epolo noi ka akitapapal;
itononokenene ijo alipo ka akaswet, ka akisulwanyikin iraan kopoloutu.
11Inaki ijo ekaru kere ajokun kon, ng'ini ilaro ni ibu ijo kitoro,
abutu inyamen kojaikinosi kakipuakus.
12Ileleba ibaren onya;
ileleba ailele omoru.
13Ileleba amerekekin amaata; ileleba engano ajelukon.
Ituri ng'in ibore ka ailel.
Currently Selected:
Isabulin 65: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
