Isabulin 66
66
Ekiruke loka Akitur ka Akiyalama
Nama kalo epolokiit ekiruke. Ekiruke.
1Kiturwoto Akuju ka ailel,
osi itung'a kere luka akwap!
2Kiturwoto kuju ka akibusesu ka ekiror keng',
koinakisi nesi akiturite naka akibusesu!
3Kolimokisi Akuju, “Eraito asomisio kon nuka akitim koni!
Epolo apedor kon noi akitodolo nama ekuriakitotore ipading'atin kon.
4Kimae akwap kere ijo;
irukosi kesi iturete ijo, irukosi kesi iturete ekiror kon.”
5Kobuutu kwanyutu nu esoma Akuju,
esoma nesi nuka aumosit kokiding' ka itung'a.
6Abu nesi kibeloki akare korauni akwap na ewonit;
kodokarete itung'a ang'olol kakejen. Kaneni kajaikin siong' ka ailel.
7Ipugae nesi ikaru kere kapedor keng' kana epolo noi;
iteete akonyen keng' akwapin.
Mam aisikin ikamenak itepegete nesi.
8Keturwoto Akuju, Okwai akwapin kere;
kinyekisi kopupune iporotoi luka akitur nesi.
9Ainaki nesi oni akijar,
bobo mam nesi abu kinyeki oni ebirorosi.
10Itama ijo siong', okwai Akuju;
itama ijo siong' kwape italaunere epuesa ka akim.
11Ijalaki ijo siong' ebirokinosi toma oregi,
ka ainakin siong' akidak alang'iru na epolo kakaulon kosi.
12Ijalaki ijo itung'a kipudata siong';
etoroto siong' toma akimi kiton akipi;
13Abuni eong' toma otogo kon ka idutan lukicwaa;
ataci eong' ijo nu etumunikiit eong' ijo.
14Ainakini eong' ijo nu esumunikiit eong' elope ebe alemuni eong',
apaki na ajaare eong' ocani.
15Alemikini eong' ijo ibaren lu etumito eraito ibaren lukicwaa,
ka apuru naka isubanit ka imerekekin;
alemuni eong' imong'in nepepe ka akinei eraito ileman lukicwaa.
16Kobuutu kiirasi, osi kere lu iyong'ito Akuju,
kasodi eong' alimokin osi nu esomaki nesi eong'.
17Abu eong' kamonyaki nesi koporoto kaloko kuju,
ketur eong' nesi ka ikirukesinoi.
18Kere kajaasi eong' ka arokusio kotau kang',
tia Lokapolon mam kiirarit eong'.
19Konye teni eira Akuju eong'; eira nesi alipasia kang'.
20Kituruoi Akuju naarai amam nesi abu kong'er alipasia kang',
kere de alemar amina keng' kama kang'!
Currently Selected:
Isabulin 66: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
