Isabulin 64
64
Akilip kanuka aking'arasit
Namaka kalo epolokiit ekiruke. Ekiruke ka Daudi.
1Ajii eong' ocani, Akuju — kiira alipasia kang'!
Akurianaar eong' ipading'atin kang' — koyuu akijar kang'!
2Kidara eong' koregia ka itung'a kaluka arokusio,
nepepe ka arokusio nuka itung'a kalu eroko.
3Ipienete kesi ang'ajepa kes bala ileng'ia lukaujak
ka acakunun akiro nukarokok bala ikojoi.
4Ecakanakinete akiro namaka ni mam kejaasi ka akiro alomun kama eng'opiteter,
bobo edaadaete nesi atipet komam akurianu.
5Irumito kesi baaba akitemitemisio kes nukarokok;
inerasi kesi kuju ka akigwaakin aloketa kes ebalasi,
“Ng'ai itwan ebeikini anyun oni.”
6Itemetemete kesi nukarokok ka atemar, “Idautu oni akitemeteme akiro wok!
Ng'ai ejenuni akitemetemesio wok?”
Akitemetemesio nu ing'adaara eng'opito kotau ketung'anan!
7Konye egumi Akuju kesi ka ikojoi keng', kikang'asete kesi atipet.
8Ebuni nesi amudiar kesi kanuka akiro kang'unu;
ebunete ng'ulu kere lu aanyunete kesi akimung'umung'u akwes kes.
9Ebunete itung'a kere akuriakaar; ebunete kesi ejori nu esoma Akuju,
ka akiitunun kuju ka asomisio keng'.
10Ebunete itung'a kere lu edolito ajaikin ka ailel kanuka nu esoma Lokapolon.
Edumunete kesi akidario kama keng'; ebunete itung'a kere lukajokak akitur nesi.
Currently Selected:
Isabulin 64: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
