Isabulin 63
63
Akote Akuju
Ekiruke ka Daudi, na ajaare nesi moding' loko Yuda.
1Okwai Akuju, irait ijo Akuju kang', ekote etau kang' ijo.
Ekote etau kang' ijo bala itwan ni aarit akure;
eirarit eong' ekure kwape ka amana kana ewonit komam akipi.
2Kanuka ng'un akoo eong' ijo ko otogo kon lokalaunan;
kanyu eong' kwape ijaatatare ijo ka agogong' nepepe ka akibusesu.
3Ejokuna noi amina kon na emam esial akilanya akijar,
ebuni akituk kang' akitur ijo.
4Abuni eong' akiyalamikin ijo apaarasia kere nuka akijar kang';
ekiari eong' akanin kang' elipi eong'.
5Abuni eong' akinyama ka akilesikin bala itwan ni ejii opucit loka inyamen kalu ejooka,
bobo kalakara abuni eong' ekiruke ikirukesinoi luka akiturite ijo.
6Aperi eong' kapetat, eitunene eong' ijo;
akwaare kere awomowomoe eong' kuju kon;
7naarai ing'araki ijo eong' ng'in pak.
Kotoribe ka abenokoka kon erukokini eong' kotoma ailel.
8Eminaikina eong' nama kon,
kedari eong' akani kon nakoteten kojokan.
9Ng'ulu lu etamakiito akiyara eong'
elosete kwap namaka lukatwak.
10Ebunio akiyara kesi kileng'ia,
bobo eraunete kesi inyamen ka ipeene.
11Konye ebuni ejakait alakari kanuka Akuju;
ng'ulu lu isumunikinete kokiror ka Akuju ebunete akitur nesi,
konye akituke kiliokoisik ebunio akigolo.
Currently Selected:
Isabulin 63: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
