Isabulin 56
56
Akilip naka amunokiite Akuju
Nama kalo epolokiit ekiruke: Atupa ka ikaburukuku kuju ka iterebintin lu elwaka. Amiktam ka Daudi, na kikamunata Ifilistayon nesi ko Gat.
1Okwai Akuju, kosiana naarai kalomikiite eong';
kesicanete eong' ipading'atin kang' ng'ini pak.
2Kalomikiito eong' ipading'atin kang' apaaran kere.
Ipuwaka luketijiete eong'.
3Okwai Lokapolon loka Apedor na akurianare eong',
epiakini eong' amuno kang' nama kon.
4Amunokiit eong' Akuju bobo mam eong' kakuriana;
eturi eong' nesi kanu esumunik nesi.
Inyena ebeikini itwan along'u akisomakin eong'?
5Kesicanete eong' ipading'atin kang' apaaran kere;
ng'ini pak itemetemete kesi ekipone loka aking'asa eong'!
6Etukonokinosi kesi nama eng'opienenere
kosodete akitere ng'ini ibore ni esomae eong',
ekotosi kesi akiyara eong'.
7Kitisila kesi, Okwai Akuju, kanuka aronus kes;
kilanya itung'a ng'ulu kotoma anyunyura kon!
8Ijeni ijo ekipone lo ecanare eong';
ing'adaki ijo etyae ka akiyo kang'.
Mam kesi kigirite toma okitabo kon?
9Apaaran na anyarauna eong' ijo, ireng'iaro ipading'atin kang'.
Ajeni eong' nu: Ejii Akuju wai kang —
10Lokapolon lo eturi eong' asumuneta keng'.
11Amunokiit eong' nesi, bobo mam eong' kakurianari.
Inyena ebeikini etung'anan along'u akisomakin eong'?
12Okwai, Akuju kadusi eong' ijo nu esumuniki eong';
ainakini eong' ijo idutan kang' luka akiyalama,
13kanu kilakuna ijo eong' katwanare ka akirebokin kilanyai eong'.
Kanuka ng'un, alosi eong' koking'aren ka Akuju, kotoma acaus na ecakiit lu ejarete.
Currently Selected:
Isabulin 56: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
