Isabulin 57
57
Akilip kanuka aking'arasit
Nama kalo epolokiit ekiruke: Atupa kamam Amudiar. Amiktam ka Daudi, na akeria nesi kamaka Saulo, kotoma abwa.
1Kosiana kama kang', Okwai Akuju, kosiana,
naarai abuni eong' nama kon kidara ijo eong'.
Kwap ka abenokoka kon adumu eong' akidario akitodol na edaunototor ican.
2Anyarauni eong' Akuju, lo Eliliara noi,
Namaka Akuju lo einanikini eong' ng'ini ibore.
3Ebuni nesi akiirar eong' alomun kokuju kosodi ayuuni eong';
ilanyi nesi lukesicanak kang'.
Ketodikin Akuju eong' amina keng' na emam esial nepepe ka amuno.
4Irimokito eong' ipading'atin lu eputosi ka ing'atunyo lu iirarito eteng'e ekotosi akinyama akiring' ka etung'anan.
Eputosi ikiala kes ka akwaras kiton ikojoi.
Eputosi ang'ajepa kes ka ileng'ia lukaujak lu ekwaka.
5Kitodia apolou kon kokuju, Okwai Akuju,
ka akibusesu kon ka akwap kere.
6Apesikisi ipading'atin kang' ereg akikamun eong'; edong'o eong' akituur.
Kobokota kesi adwi oroto kang', konye kibirokinosi kesi ikulopek toma.
7Icasit eong' etau, Okwai Akuju;
abuni eong' ekiruke ka akiturite ijo!
8Konyou, Okwai etau kang'!
Konyou, arupepe ka auleru kang'!
Etonyouni eong' akolong'.
9Okwai Lokapolon keyalamikin eong' ijo, kokiing' ka akwapin.
Abuni eong' akiturite ijo kokiding' ka itung'a.
10Edolit amina kon na emam esial kuju;
amunokina kon edolit kuju.
11Kitodia apolou kon kokuju, Okwai Akuju,
nepepe ka akibusesu kon kuju ka akwap kere.
Currently Selected:
Isabulin 57: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
