Isabulin 54
54
Akilip naka akidario kamaka ipading'atin
Nama kalo epolokiit ekiruke. Ka iboro kaluka aunoi. Amaskil ka Daudi, nakelosiata itung'a alomun ko Sifi ka alimokin Saulo, “Eng'opit Daudi kokiding' wok.”
1Koyuu eong' kapedor kon, Okwai Akuju;
kolaku eong' kapedor kon.
2Kiira akilip kang', Okwai Akuju;
kopup akiro kang'.
3Ebuto itung'a luka epogi alomikin eong',
etamakito itung'a lu ededeng' akiara eong',
ng'ulu lu mam kepodosi Akuju.
4Konye erait Akuju ekeng'arakinan kang'.
Erait Lokapolon egang'ete kang'.
5Kitosoma Akuju aronus kes ka ikulopek akitisilar ipading'atin kang'.
Emudiar nesi kesi naarai emunokina nesi.
6Kadusi eong' ijo isuban ketau kalo elakakina;
Ainakini eong' ekiror kon akiyalama,
Okwai Lokapolon, naarai ijokunaijo.
7Naarai idau ijo ayuun eong' kocani kang' kere,
bobo aanyu akong'u kang' akilanyo ka ipading'ating' kang'.
Currently Selected:
Isabulin 54: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
