Isabulin 53
53
Aronus ka Etung'anan
(Isab 14)
Nama kalo epolokiit ekiruke. Atupa ka Maalat. Amaskil ka Daudi.
1Ebalasi ibang'aisik ko otau kes, “Emam Akuju.”
Ebosito kesi, bobo isomaete iboro lu eroko noi;
emam ipede ni isomae nu ejooka.
2Eng'oleuni Akuju alomun kokuju kuju ka isapa ka itung'a,
anyun kejaasi ice lu ecoaka, ekotosi Akuju.
3Konye ibiroro kesi kere; eroko kesi kere.
Emam ipede isomae nukajokak, emam, atikere ipede.
4Ing'isit Akuju, “Mam kesi kejenete?”
“Ebang'aka lukesomak nukarokok lu?
Ejarete kesi kakideme itung'a kang',
bobo mam kesi kelipete eong'.”
5Konye ebunete kesi akuriakaar, ekipone lo emam kesi apelem kekuriakara,
naarai isiarakini Akuju akojo ka ipading'atin ka itung'a keng'.
Ang'ere Akuju kesi, kanuka ng'un ilanyi Israel kesi cut.
6Elipit eong' kobu apedor naka akilanya itung'a luko Israel alomun ko Sayon.
Na inyakuna Akuju arereng'u ka itung'a,
eleli Yakobo kosodi Israel alakar.
Currently Selected:
Isabulin 53: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
