Isabulin 52
52
Atubokino nepepe ka asyanut ka Akuju
Nama kalo epolokiit ekiruke. Amaskil ka Daudi, na kelomuna Doeg alomun ko Edom kosodi alimokin Saulo, “Abu Daudi otogo ka Aimelek.”
1Inyo ipogare ijo, ijo ni ipolo, kanuka aronus kon?
Amuno ka Akuju erait na emam esial.
2Itemitemi ijo irotin luka adaun luce;
ang'ajep kon eputosi ka emweeso lo ekwana noi.
Iteni ijo aliokonu ng'in pak.
3Imina ijo aronus akilanya ajokus
bobo imina aliokonu akilanya abeite.
4Imina ijo akikang'asa itung'a ka akiro kon,
iliokoi eni!
5Kanuka ng'un, ebuni Akuju akitisilaar ijo ikaru kere;
ebuni nesi akirum ijo kosodi akopor ijo kore kon;
elemari nesi ijo ka akwap kalu ejarete.
6Anyunete itung'a lu edolito nu kosodete akurianaar;
kosodete kesi akwenare ijo ka atemar,
7“Kwanyutu, itwan eni ni mam abu kogong'akin nama ka Akuju kidara nesi,
konye komunokite abara keng' kidara nesi
bobo akote akidario kokipone kaloka araun nikaronon.”
8Konye aputosi eong' ka ekitoi loka olif lo epoloe ko otogo ka Akuju;
amunokiit eong' amina keng' na emam esial.
9Eyalaminikin eong' ijo Akuju ng'ini pak kanu isoma ijo;
kakonyen ka itung'a kon, alimori eong' ebe ijokuna ijo.
Currently Selected:
Isabulin 52: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
