Isabulin 50
50
Akimaa naka abeite
Ekiruke ka Asaf.
1Inera Lokapolon, Akuju loka Apedor kere;
iworit nesi akwap kere ageun ko kide adolore too.
2Ecae Akuju alomun ko Sayon,
ere lokapolon lo elae noi.
3Ebuuti Akuju wok, konye mere etatii;
ejii akimi na enoki noi king'aren keng',
imanakiit nesi ekuwam lo epolo noi.
4Enyarit nesi kuju nepepe ka akwap bala lukajenak
akitere nesi etubokini itung'a keng'.
5“Kotukok nama kang' itung'a kang' lu emunokina,
ng'ulu lu etenete ka eong' akitutuket ka alemun isuban.”
6Elimori kuju adolite keng',
naarai erait Akuju elope lokatubonokinan!
7“Kiirasi Okwai itung'a kang', kasodi eong' ejori;
Okwai Israel, alimori eong' nukarokok kuju kus.
Eong' Akuju arait, Akuju kus.
8Mam eong' keretanakini osi kanuka isuban kus;
ejaasi idutan kus lukicwaa king'aren kang' ng'in pak.
9Mam eong' kediauni emong'o epede alomun kamaata kus
kere de akinei alomun kosipan kus;
10ityeng' kere lu ejaasi toma amoni eraito lukang'
nepepe ka akituk nu ejaasi kuju aritai ka imoru.
11Ikwenyi kere lu ejaasi moding' eraito lukang'
nepepe ka iboro kere lu ejarete lu ejaasi amaata.
12Kere keirarit eong' eteng'e tia mam eong' kalimokini ijo,
naarai akwap nepepe ka ng'ini ibore ni ejii toma keng' erait ni kang'.
13Anyemenene eong' akiring' naka imong'in,
kere de akimat aokot ka akinei?
14Kodut Akuju isuban luka akiyalama,
bobo kotaca akiapo kon nama kalo Eliliara noi;
15bobo konyarautu eong' apak naka icani;
abuni eong' ayuuni osi, bobo ibunete osi akiturite eong'.”
16Konye lukarokok ebala Akuju,
“Anyena adolite ejaasi ka osi alimonor ikisila kang'?
Inyo ineratatar osi kuju ka akitutuket kang'?
17Ing'erito osi aruaro;
bobo ipiakinete osi akiro kang' kau kus.
18Kianyutu osi ekokolan, iraito osi ipoupatin keng';
bobo iupasi osi ka itung'a lu edote.”
19“Ilokokina osi ng'ini pak ejori nukarokok;
mam osi cut kikuriaka ejori aliokonu.
20Ilokokina osi ejori nukarokok kuju ka ikanacan kus,
bobo iinanakinete osi onac kusi aronus namam kejii.
21Isomata osi iboro lu kere, konye ata eong' tii,
kimunito osi ebe aputosi eong' ka osi.
Konye kipokona keretakini eong' osi ka akiwosa osi.”
22“Kopuputu nu, osi lu imuruonokinete Akuju,
along'u amudiari eong' osi, bobo emamuuni itwan iyuuni osi.
23Ng'ini ni eyauni akiyalama bala isubanit keng' einakiit eong' akibusesu,
ng'ini ni eruari eroto keng', etodikini eong' alakuno ka Akuju.”
Currently Selected:
Isabulin 50: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
