Isabulin 49
49
Abang'anut naka amunokiite Abara
Nama kalo epolokiit ekiruke. Ekiruke ka Isapa ka Kora.
1Kiirasi nu, osi itung'a kere!
Kopuputu osi kere lu iboete ka akwap,
2lukapolok nepepe kalucik,
lu ebarito kalu epalipalito.
3Ebuni akituk kang' ejori acoa;
awomowomosia nuka etau kang' eraunete akijen.
4Ayari eong' akit kang' akipup awaragan
adauni eong' akapolok kang' ka akiram arupepe.
5Mam eong' kakuriana ka apak kanaka icani,
na kerimokitere eong' ipading'atin,
6itung'a lu emunokiito abara kes
bobo kipogasi kanuka abara kes kana epolo noi.
7Teni emam itwan cut ebeikin alakun ilope;
kere akitaca Akuju etyae loka akijar keng',
8naarai etacenit ka akijar keng' icasit, bobo mam cut kilesikin,
9ebe ebeikini nesi akitolosite akijar ikaru kere, bobo mam anyun adwi.
10Teni, anyuni nesi ebe atikere luka acoa etwakete,
nepepe ka ibang'aisik ka lu idang'adang'ara.
Inyekinete kesi kere abara kes ka idwe kes.
11Eraunete atesin kes ireria kes ikaru kere;
iboyete kesi kang'ina ikaru kere,
atikere apaaran ape kejaasi kesi ka amaata kes ka ikulopek.
12Mam apolou wok kirebokini oni atwanare;
ejii oni atwanare bala ityeng'.
13Kitete nu isomakinosi nama kang'ulu kalu emunokina kesi ikulopek,
esial ka ng'ulu kalu ilesikina kanuka abara kes —
14ejii kesi atwanare bala amerekekin,
bobo erauni atwanare nakejokon kes.
Ebunete nu edolito akilanya kesi.
Ebosete awate kes atipet kotoma akwap ka lukatwak
nama elwana alomar koreria kes.
15Konye ebuni Akuju alakun eong';
ebuni nesi alakun eong' ka apedor kanaka atwanare.
16Mam ariang'un ebari itwan,
na iyatare abara keng';
17mam nesi kebeikini ayaar abara ng'ini ka nesi na etwaania nesi;
mam abara keng' keuparosi ka nesi ates.
18Atikere kilesikina nesi ka akijar kana
bobo kitamaete nesi kanu itolositere nesi kojokan,
19imorikikinosi nesi ka lukasonya keng' kotoma atwanare,
nama mam akirionus kedaun.
20Mam apolou wok kirebokini oni atwanare;
ering'a oni kitwakete bala ityeng'.
Currently Selected:
Isabulin 49: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
