Isabulin 48
48
Sayon, Ere Lokapolon loka Akuju
Ekiruke. Ekiruke ka isapa ka Kora
1Epolo Lokapolon bobo iles ikina akiturite nesi noi
kore ka Lokapolon ka Akuju wok!
Emoru keng' lokalaunan,
2auja bobo ajokuna;
erait nesi ailele naka akwap kere,
Emoru loko Sayon, kong'alakimak, ere lokapolon loka Ejakait kalo epolo noi.
3Etodia Akuju ebe ejii akidaro toma keng'
toma ang'opesia nuka ere lokapolon.
4Kotukokinosi ijakaa nenipe
kosodete abunore alomikin Emoru loko Sayon.
5Konye na aanyunata kesi Sayon, abutu kesi koumokisi;
Kokuriakarosi kesi kosodete amotar.
6Abu akurianu na epolo noi kikamu kesi,
bala aberu na aaput akidoun ikoku,
7bala amelin nu ibung'ae ekuwan lo epolo noi.
8Eirasi siong' nu esoma Akuju,
bobo aanyutu siong' kipokona kore ka Akuju wok,
Lokapolon Loka Apedor Kere;
ebuni nesi akidar ere lokapolon ikaru kere.
9Kotogo kon, Okwai Akuju,
iitunenete siong' kuju ka amina kon na emam esial na mam kedaun.
10Kiturete itung'a ijo kang'olo wai,
bobo ajenun ajokun kon ka akwap kere.
Ipugae ijo kadolite;
11kinyek itung'a luko Sayon kolakarosi!
Atubonokin kon itemokina;
kojaikin ailel oreria lukapolok luko Yuda!
12Itung'a ka Akuju, kilaata Sayon bobo kimarata akitesin keng';
13kiteoto kojokan arwatan bobo kwanyanasi nama eng'opiananata itung'a,
tetere ibeikinete alimokin auri na etupakini:
14“Akuju na erait Akuju wok ikaru kere;
ebuni nesi ayaite oni ka aparasia kere nu ebuuto.”
Currently Selected:
Isabulin 48: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
