Isabulin 43
43
Akilip kani ejii ong'atune
(Akitolosite ka Isabulin 42)
1Okwai Akuju, kotema emam eong' aronus,
bobo kigang'ai eong' kamaka itung'a kalukarokok;
koyuune eong' kamaka itung'a kalu ing'alaete ka lukarokok!
2Ijo nes lokedaran kang'; inyo inyekina ijo eong'?
Inyo etolositere eong' akinyama ican kamaka ipading'atin kang'?
3Kijuk acaus kon nepepe ka abeite kon;
kenyek kesi king'arenikisi eong' bobo akinyakun eong' Sayon,
omoru kon lokalaunan, ka Otogo kon nama iboya ijo.
4Kanuka ng'unu alosi eong' altari kon, Okwai Akuju;
ijo nes irait nama elomuutere alakara kang'.
Aboliakini eong' arupepe kang' kasodi akirukokin akiturite ijo,
Okwai Akuju, Akuju kang'.
5Inyo emoyo kang' ituuria ijo kona?
Inyo ecanare eong' kona kotoma kang'?
Komunok Akuju, naarai abuni eong' akitur nesi bobo,
lokeyynan kang' ka Akuju kang'.
Currently Selected:
Isabulin 43: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
