Isabulin 42
42
EKITABO LOKIYAREIT
Isab 42—72
Akilip ka itwan kani ejii ong'atune
Nama kalo epolokiit ekiruke. Amaskil loka isapa ka Kora.
1Kwape imuitere amori ecor loka akipi kanu etaasi ci,
nes kemuitere eong' ijo, Okwai Akuju.
2Imuit eong' ijo, Akuju lo ejari;
iwori alosia eong' kasodi akimaa koking'aren kon?
3Akware ka apaaran amonyi eong',
bobo akio bon nes inyamen kang';
ng'ini pak ing'isito ipading'atin kang' eong', “Ai ejii Akuju kon?”
4Etacanar etau kang' keitu eong' nu atuboto
na alosiata eong' ka akwap ka itung'a otogo ka Akuju
kasodi eong' aking'arenikin kesi elosete,
akwap ka itung'a na alakara, irukosi bobo ecelasi iturete Akuju.
5Inyo imojakinar ijo etau kang',
Inyo ituuria ijo kotoma kang'?
Komunok Akuju; naarai abuni eong' bobo akitur nesi,
aking'arasit kang'
6ka Akuju kang'.
Ebilakina etau kang' kotoma kang',
kanuka ng'unu eituni eong' ijo
alomun kakwap kanako Yordan kiton nako Ermon,
alomun ko omoru kaloko Misar.
7Abukokin eong' akale ka akipi,
aapu akale naka akipi nesi ing'alaut atianar nakitetet.
8Icorakini Lokapolon amina keng' na emam esial paran;
bobo kware ejaasi ekiruke keng' ka eong',
akilip nama ka Akuju loka akijar kang'.
9Eng'isi eong' Akuju, lo igang'it eong' ebe,
“Inyo imuruokina ijo eong'?
Inyo etolositere eong' akinyama ican alomun kamaka ipading'atin kang'?”
10Eriya eong' araton kes,
itolosito kesi aking'isite eong',
“Ai konye ejii Akuju kon?”
11Inyo imojakina eong' etau kona?
Inyo eturia eong' kona?
Inyo ecanare eong' kona?
Amunokini eong' Akuju,
bobo abuni eong' akiturite nesi,
lokeyuunan kang' ka Akuju kang'.
Currently Selected:
Isabulin 42: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
