Isabulin 41
41
Akilip kotoma adeka
Nama kalo epolokiit ekiruke. Ekiruke ka Daudi.
1Erereng' ng'ulu lu epodosi kuju ka lukapalapalak;
ing'arakini Lokapolon kesi ejaasi kesi ocani.
2Ebuni Lokapolon akidar kesi ka akitajar kesi;
ebuni nesi akitalakaar kesi ka akwap;
mam nesi kinyekini kesi ka akanin ka ipading'atin kes.
3Ing'arakini Lokapolon kesi edekasi kesi
ka akitang'alaeun kesi.
4Abu eong' katema, “Esoma eong' aronus koking'aren kon, Lokapolon;
kisoni eong', bobo kitang'aleu eong'.”
5Inerasi ipading'atin kang' akiro nukarokok kuju kang'.
Ekotosi katwana eong' bobo kimuruokine eong'.
6Ng'ulu lu ebunete anyun eong' mam kemunokina;
irarete akiro nukarokok kuju kang'
kosodete alosite alimonor ng'olo wai.
7Ng'ulu kere lu ereito eong' iwewasi kuju kang',
iitunenete nukarokok kuju kang'.
8Ebalasi, “Erieba noi;
mam cut kelomari kapetat keng'.”
9Atikere ipoupa kang' nikajokan noi, ni amunokiit eong' noi,
ni amorete ka eong' inyamen kang', ang'er eong'
10Lokapolon, kisoni eong', bobo kinyaku akijar kang',
bobo ataci eong' ipading'atin kang'.
11Mam kesi kelanyete eong',
bobo ajenuni eong' ebe ilakara ijo ka eong'.
12Ibuni ijo aking'arakin eong', naarai esomae eong' nu ideerete;
ibuni ijo akidar eong' kakonyene kon ng'in paaran.
13Kiturwoto Lokapolon, Akuju ka itung'a kaluko Israel!
Kiturwoto nesi kipokona ka ikaru kere!
Ikote nepeneni! Ikote nepeneni!
Currently Selected:
Isabulin 41: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
