Isabulin 36
36
Aronus ka etung'anan
Nama kalo epolokiit ekiruke. Ekiruke ka Daudi, lokejaanakinan ka Lokapolon.
1Inerasi aronus ka nikaronon kotoma otau keng';
mam nesi keyong't Akuju bobo mam kesi keyong'it nesi.
2Kanu itunanata kesi kojokan kuju kes ka ikulopek,
iituto kesi ebe mam Akuju kejenuni arokusio kes ka atubokin kesi.
3Ejori kes erono bobo ileleba aliokonu;
mam bobo kesi kinerasi akiro nuka acoa kanu ejooka.
4Itemetemete kesi nukarokok eperete kesi kapetat;
emam ibore ipede ni isomaete kesi ni ejokuna,
bobo mam kesi keng'erete ibore ipede nikaronon.
Ajokus ka Akuju
5Lokapolon, amina kon na emam esial edoli kuju;
amuno kon edoli odouon.
6Ikiara adolite kon bala imoru;
adolite kon eputosi ka akiduloro ka akare.
Itung'a nepepe ka ityeng' ejaasi akidario kon.
7Okwai Akuju, ikoni amina kon na emam esial ejokuna ai!
Kidumunete siong' akidario kokwap ketoribe ka abenokoka kon.
8Kinuminumete siong' inyamen lu ikorak ijo siong' ipuwaka;
Kinyek siong' kamatata alomun kang'ololo kon kana ileleba ajokun.
9Ijo nesi nama elomuna akijar kere,
bobo kanuka acaus kon aanyunete siong' acaus.
10Kitolosite amina ng'ulu lu ejenete ijo
bobo akisomakiite nukajokak ng'ulu lu edolito.
11Mam akinyekin itung'a luka epogi alomikin eong'
kere de lukarokok ainakin eong' akeri.
12Kong'oleki nama ebirokinosi itung'a lukarokok.
Eng'ulu eperete, mam kebeikinete anyoun.
Currently Selected:
Isabulin 36: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
