Isabulin 35
35
Akilip naka akote aking'arasit
Ekiruke ka Daudi.
1Kitepege Okwai Lokapolon ng'ulu lu ketepegete eong',
kitijii ng'ulu luketijiyete eong'.
2Kirum ebuku kon ka akwara kon
kogwo koyuu eong'.
3Kolemu akwara kon nepepe ka ayep kon kitijii ng'ulu lu karukitetere eong'.
Kisumunik eong' ebe ibuni ijo ayuuni eong'.
4Kitisilikine ng'ulu lu ekotosi akiyara eong'!
Kireng'iare bobo kosiliki ng'ulu lu itemetemete akiyara eong'!
5Korautu kesi bala inya lu ekutari ekuwam,
kwape erukiter kesi emalaikat ka Lokapolon!
6Kinyek kiryono eroto kes bobo kojurut
korukitere kesi emalaikat ka Lokapolon!
7Naarai abutu kesi kolokata eong' emam atenikina de;
abutu kesi kobokata adwi kebirokin eong' toma.
8Konye kodumakinosi kesi ka atwanare emam kesi kejenete;
konye kikamu kesi aloketait nakigwaito kesi, kibirokinosi kesi ikulopek toma kotwakata!
9Abuni eong' alakari kanuka Lokapolon;
abuni eong' alakari naarai abu nesi koyuu eong'.
10Ketau kang' kere abuni eong' alimokin Lokapolon, “Emam itwan eputosi ka ijo.
Idari ijo lu emam kejaasi ka agogong' kamaka lu ejaasi ka agogong', idari ijo lukapalapalak kama kalukesicanak.”
11Inerasi itung'a lukesomak arokusio kuju kang'
ka akiwosa eong' ikamuut arokusio nu emam eong' kajeni kuju kes.
12Etacete kesi nukajokak nu esoma eong' karokusio,
kapasa eong' noi.
13Konye na adekatatar kesi, abu eong' kanapa inapen luka akimony lu itenite kicwei;
abu eong' kesicana akwana kang' elipi eong' emam akinyama.
Abu eong' kelip etulurit eong' akou kang' kwap,
14bala kamonyi eong' kanuka ipoupa kang' kere de onac kang';
Abu eong' kajaikin bala itwan ni epodonokin kanuka toto keng', ka alurite kwap amonyi.
15Konye na ajaikiner eong' ocani, abutu kesi kere kolakarosi kosodete kesi atukonokin akwenare eong';
abutu ilong'au kipotata eong' ka akitolosite akipot eong'.
16Abutu kesi kitooto eong' ekadakiito
bala ng'ulu lu ekwenatatare eng'walas.
17Ka apak kana etia ai, Okwai Lokapolon itee ijo eong'?
Koyuu eong' kalominikin kes eong'; koyuu akijar kang' kong'atunyo kalu!
18Kasodi eong' akiyalamikin ijo ka atuket ka itung'a kalu ipuu noi;
abuni eong' akiturite ijo koking'aren kes kere.
19Mam akinyekin ipading'atin kang', iliokoikis ng'ulu elakarosi kanuka akilanyo kang'.
Mam akinyekin ng'ulu lu eding'asi ka eong' emam atenikina elakarosi kanuka icani kang'.
20Mam kesi kinerasi kokipone kaloka amina;
konye ejeete kesi aliokonu naka ng'olo ekipone ikamuut itung'a lu eminasi aipuc.
21Iwosaete kesi eong', ecelasi,
“Abutu siong' kaanyutu nu ibu ijo kisoma!”
22Konye ijo, Okwai Lokapolon iyanyu ijo nu.
Kanuka ng'un, mam ataus ti Lokapolon; mam alwanus!
23Konyou ijo elope, Okwai Lokapolon kigang'a eong';
konyou, Akuju kang' kogwoik eong'.
24Idolit ijo, Okwai Lokapolon, kanuka ng'un kimaraki eong' bala itwan ni emam aronus;
mam akinyekin ipading'atin kang' elakarosi kanuka akibiror kang'.
25Mam akinyekin ineranakinosi ikulopek,
“Idautu oni kesi! Ng'un bon kes nu akotosi oni!”
26Elipit eong' kilanyai cut bobo kigurokina ng'ulu lu elakara kanu ecanare eong';
Elipit eong' kosilik bobo kodumakinosi ka arokusio ng'ulu lu ipogasi ebe ejooka kesi adepar eong'.
27Kinyeki ng'ulu kere lu ekotosi kolakakine eong' kikareoto
ka ailel bobo kolakarosi bobo kotemasi ng'ini pak,
“Ikoni Lokapolon epolo ai! Elakara nesi itolosito lukejaanakinak keng' kojokan!”
28Kanuka ng'un ebuni akituk kang' ejori ng'ini pak kuju ka adolite kon,
kasodi eong' akiturite ijo ng'ini pak.
Currently Selected:
Isabulin 35: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
