Isabulin 34
34
Akitur ajokus ka Akuju
Ekiruke ka Daudi, na emolekiner nesi ajaus ka ibiler koking'aren ka Abimelek, tetere ejakait ireng'iari nesi king'a, kosodi nesi aikar.
1Abuni eong' akiyalamikiite Lokapolon ng'ini pak;
mam cut eong' kenyekini akiturite nesi.
2Abuni eong' akiturite nesi kanuka nu esoma nesi;
kiirasi ng'ulu kere lu isicanio, bobo kolakarosi!
3Kolimonorete nepepe ka eong' kuju ka apolou ka Lokapolon;
keturoto ekiror keng' nenipe!
4Abu eong' kelipi Lokapolon, kobong'okini nesi eong';
abu nesi kolaku eong' kakurianu kang' kere.
5Iteete lu isicanio nesi kosodete alakari;
mam cut kitakadikino kesi itawon.
6Iworounete nesi ng'ulu lu emam kejaasi kani ing'arakini kesi, kobong'okini nesi;
iyuuni nesi kesi kocani kes kere.
7Idari emalaikat ka Lokapolon ng'ulu lu eyong'ito nesi,
ka ayuuni kesi kakang'as.
8Kotamaki ijo ilope kojenu kwape ejokunar Lokapolon.
Erereng' ng'ulu lu eng'opito kama keng'.
9Koyong'ata Lokapolon, osi itung'a keng' kere;
ng'ulu lu eyong'ito nesi ejaasi kang'in ibore kani ekotosi kesi.
10Atikere ing'atunyo de iiranarete eteng'e kanuka amamus ka inyamen,
konye ng'ulu lu eyong'ito Lokapolon, emam ibore ipede ni emam kesi kedumunete.
11Kobuutu Okwai isapa kang',
abuni eong' akisisianakn osi ayong'ite Lokapolon.
12Ng'ai itwan emina akijar?
Bobo ng'ai emina akijar kokaru kalu ipu tetere edumuni nesi nukajokak?
13Kirebok ang'ajep ejori nukarokok
bobo kirebok akituk kon ejori aliokonu.
14Kinyeki arokusio, kisoma nukajokak;
kokoo aipuc, bobo kigwap aipuc.
15Iteete akonyen ka Lokapolon ng'ulu lu edolito ka akipup akimonyo kes;
16konye eng'erit nesi ng'ulu lu isomaete arokusio,
tetere imuruoro kesi atipet na etwakata kesi.
17Iworitosi lu edolito aking'arasit, iirari Lokapolon kesi;
eyuuni nesi kesi kocani kes kere.
18Apie Lokapolon kamaka ng'ulu kalu emojakina itawon kes;
bobo iyuuni nesi ng'ulu lu adaun amuno kes.
19Ejaasi itwan nikajokan ka ican kalu ipu noi;
konye iyuuni Lokapolon nesi kocani kang'ulu kere.
20Idari nesi akojoo keng' kere;
emam apede ebilio.
21Ebunete arokusio akiyara itung'a lu isomaete nukarokok;
ng'ulu lu ereito itung'a lu edolito ebunio akisican kesi.
22Eyuuni Lokapolon lukejaanakinak keng';
emam ipede kamaka ng'ulu kalu eng'opito kama keng' ebunio akisican.
Currently Selected:
Isabulin 34: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
