Isabulin 32
32
Akisilar nepepe ka Arimakino
Ekiruke ka Daudi. Amaskil.
1Erereng' ng'ini nikerimakin arokusio keng',
ng'ini nikerapakin arokusio keng'.
2Erereng' ng'in ni emam Lokapolon kiwosae kanuka asoma nukarokok
bobo ng'ini ni emam kejaasi ka aliokonu.
3Ering'a eong' kesilara arokusio kang',
abu kapas eong', kanuka akimonyo apaaran kere.
4Paran ka akwaare ibu ijo kitisila eong' Lokapolon;
abu agogong' kang' kodaun cut,
kwape itowonia amwanus naka akamu akiinaute.
5Abu eong' kacamu arokusio kang' koking'aren kon;
amam eong' abu kegwa arokusio kang'.
Abu eong' katema, “Esilari eong' arokusio kang' koking'aren ka Lokapolon”,
kosodi ijo arimakini arokusio kang'.
6Kanuka ng'un kinyek ng'in itwan nikiyong'it ijo kilip ijo; kapakio kanuka icani,
kapakio icani, nu etikunototor akipi ipu, mam kedolokinete nesi.
7Irait ijo nama ang'opitere eong'; iyuuni ijo eong' kocani.
Iinak ijo eong' alakara kanuka alakuno.
8Ebala Lokapolon ebe, “Abuni eong' akisisianakin osi eroto lo itemokina osi alosite;
abuni eong' akitodikin osi ka akicor osi.
9Mam araus bala afarasit kere de enyubu na ewolit,
na ekote ng'ini pak koyaitete nesi kegilut, kemam mam kigwapi ijo.”
10Ebunete lukarokok akicanakin,
konye ng'ulu lu emunokiito Lokapolon
idari kesi amina keng' na emam esial.
11Kolakara kamaka Lokapolon, bobo kojaasi ka ailel, Okwai osi lu idolito,
kocelasi ka alakara, osi kere lu idolito ko otawon!
Currently Selected:
Isabulin 32: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
