Isabulin 30
30
Akilip naka akiyalama
Ekiruke ka Daudi. Ekiruke apak naka akisilwanyikin Etogo ka Akuju.
1Eturi eong' ijo Lokapolon naarai iyuu ijo eong'
bobo ireboki ijo ipading'atin kang' akilanya eong'.
2Abu eong' kamonyaki ijo king'araki eong',
Okwai Lokapolon Akuju kang', kitang'aleuni ijo eong';
3ibu ijo koyuu eong' kamaka lukatwak.
Alosiyorit eong' cut nama ka lukatwak, konye ibu ijo koyuu eong'.
4Kiturwoto Lokapolon, itung'a keng' kere lu emunokina!
Kiitutu nu esoma Lokalaunan, ka akiyalamikin nesi.
5Anyunyura keng' erait usa naka apak kana ewuriyana,
ajokus keng' erait naka apakio kere.
Ebeikinete akiyo alele kware, konye ebuni ailel taparacu.
6Konye eong' abu katema kojautene kang' kaloka abara,
“Mam cut kilanyo eong'.”
7Ijokuna ijo kama kang' Lokapolon;
idarit ijo eong' bala emoru lo epolo noi.
Konye apak ng'ini ibu ijo kong'opik eong', kasodi eong' akurianaar.
8Abu eong' kanyarau ijo Lokapolon;
abu eong' kemaima ijo king'araki eong':
9“Inyena idumuni ijo katwanare kang'?
Inyena idumuni kaloto eong' ates?
Ebeikinete itung'a lu etwakito akiturite ijo?
Ebeikinete kesi de akisiarasiara kuju ka ajokus kon kanaka ng'ini pak?
10Kiirare eong' Lokapolon, bobo kisoni eong'!
King'arakine eong' Okwai Lokapolon!”
11Ibeloki ijo akimonyo kang' ka akitaraun akileje naka ailel;
ilema ijo akimonyo kang' ka akirimokin eong' ka ailel.
12Kanuka ng'un, mam eong' katauni ti; abuni eong' akiturite Akuju.
Lokapolon, irait ijo Akuju kang', abuni eong' akiyalamikiite ijo ikaru kere.
Currently Selected:
Isabulin 30: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
