Isabulin 29
29
Eporoto ka Lokapolon kotoma okuwam
Ekiruke ka Daudi.
1Kiturwoto Lokapolon osi isuban luko kuju;
kiturwoto akibusesu ka apedor keng'.
2Kiturwoto ekiror ka Lokapolon lo ejaasi ka akibusesu;
kokukokinosi koking'aren ka Lokapolon na etakanuuna nesi.
3Epupo eporoto ka Lokapolon alomun ka akaren;
ireta Akuju lo ejaasi ka akibusesu,
bobo epupo eporoto keng' kokuju ka akare.
4Epupo eporoto ka Lokapolon ka agogong' keng' kere ka apedor kere.
5Eporoto ka Lokapolon ebilibili ikito luka esida,
atikere isidai luko Lebanon.
6Einanikini nesi imoru luko Lebanon eporitosi bala itaka,
bobo einanikini nesi emoru loko Arimon aporonor kuju bala emong' loci.
7Einakiit eporoto ka Lokapolon idowon akimiliaunun.
8Einakiit eporoto keng' moding' akijang'ajang'a;
ijang'ijang'i nesi moding' loko Kades.
9Ijang'ijang'i eporoto ka Lokapolon ilwaai, ka araranar akwii kokito
ecela ng'ini itwan ko Otogo keng' ebala, “Akibusesu kojaasi ka Akuju!”
10Ipugae Lokapolon kokuju ka akipi kanu ipu noi;
ipugae nesi bala ejakait ikaru kere.
11Isicasi Lokapolon itung'a keng'
ka akisulwanyikin kesi ka ainapakina.
Currently Selected:
Isabulin 29: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
